Էդվարդ Նալբանդյան. Կոչ անելով ընդունել Հայոց Ցեղասպանությունը` Չարնին ինչ-որ քաղաքական հաշվարկներով չի առաջնորդվել

Կոչ անելով ընդունել Հայոց Ցեղասպանությունը, ՙՀոլոքոստի և Ցեղասպանության Ինստիտուտի՚ տնօրեն Իսրայել Չարնին ինչ-որ քաղաքական հաշվարկներով չի առաջնորդվել: Այս մասին այսօր ՀՀ Խորհրդարանում հայտարարել է ՀՀ արտգործնախարար Էդվարդ Նալբանդյանը, մեկնաբանելով իսրայելցի իր գործընկերոջ` Ավիգդոր Լիբերմանի հայտարարությունն այն մասին, որ Հոլոքոստ տերմինը կիրառելի չէ Հայոց Ցեղասպանության առումով:

Նա նշել է, որ Հոլոքոստ տերմինը չի կիրառում Հայոց ցեղասպանությունը բնութագրելու համար: Հայոց Ցեղասպանությունը բնութագրվում է Գենոցիդ տերմինով: Եւ ոչ միայն այն պատճառով, որ տասնյակ երկրների եւ մի շարք միջազգային կազմակերպություններ ճանաչել են Հայոց Ցեղասպանությունը: Երբ Ռաֆաել Լեմկինը առաջին անգամ առաջարկեց Գենոցիդ տերմինը,  նա հիմնվում էր հենց Հայոց մեծ Եղեռնի օրինակի վրա: Հետագայում այդ տերմինը սկսվեց կիրառվել տարբեր միջազգային ատյանների կողմից տարբեր միջազգային փաստաթղթերում:

Կցանկանայի նաեւ հիշեցնել, նշել է նա, որ Երուսաղեմի Հոլոքոստի եւ Ցեղասպանության ինստիտուտի տնօրեն Իսրաել Չարնին ասել է, որ Իսրայելը պետք է վերջ դնի իր բառախաղին և վերջապես ճանաչի Հայոց Ցեղասպանությունը: ՙՉարնին ինչ-որ քաղաքական հաշվարկներով չի առաջնորդվել, երբ այդպիսի բան է ասել: Իսրայելում բոլորն էլ լավ գիտակցում են,  որ Չարնին լավ գիտի, թե ինչ է նշանակում  Հոլոքոստ եւ Ցեղասպանություն՚:

http://www.arminfo.info/armenian/politics/article/08-02-2012/10-23-00