Էրդողանը պարզաբանումներ է պահանջել Մալաթիայում քանդված հայկական մատուռի համար

Թուրքիայի վարչապետ Ռեջեփ Թայիփ Էրդողանը հեռախոսազրույց է ունեցել Մալաթիայի քաղաքապետ Ահմեդ Չաքըրի հետ՝ պարզաբանումներ պահանջելով օրեր Մալթիայի հայկական գերեզմանոցում քանդված հայկական մատուռի համար։

Թուրքական Star-ի փոխանցմամբ՝ Մալաթիայի քաղաքապետ Ահմեդ Չաքըրը վարչապետ Ռեջեփ Թայիփ Էրդողանին տեղեկացրել է, որ Մալաթիայի հայկական գերեզմանոցում հայերի կողմից կառուցվող պահակատան եւ մատուռի քանդումից հետո աշխատանքներ են տարվում վնասը փոխհատուցելու եւ շինությունները կրկին կառուցելու համար։

Հիշեցնենք, որ օրեր առաջ Մալաթիայի քաղաքապետարանի հանձնարարությամբ քանդվել է Մալաթիայի հայերի գերեզմանուցում կառուցվող պահակատունն ու մատուռը, որից հետո Մալաթիայի քաղաքապետը պնդել էր, թե շինությունները սխալմամբ են քանդել, եւ խոստացել է վերականգնել վնասը։

http://news.am/arm/news/92628.html