Աթաթուրքը Հիտլերի երկրպագուն էր. թուրք լրագրող

Թուրքական «Թարաֆ» թերթի թղթակից Թահա Աքյոլն իր «Հեղափոխական իրավունք» գրքում նշել է, որ հայտնի քեմալականներից մեկն ասել է, թե «աշխարհում առաջին ղեկավարման ավտորիտար համակարգը ստեղծել է Աթաթուրքը, որից օգտվել են Մուսոլինին եւ Հիտլերը»:

Ինչպես հաղորդում է «Արմենպրես»–ը, Աքյոլը պարզաբանել է, որ այդ մասին իրենց հուշերում գրել են թուրք մտավորականներ Ռաշիդ Սեւիգը, Ֆալիհ Ռըֆքըն եւ Յաքուբ Քադրին: «Որպես լրագրողներ` մենք այցելեցինք Հիտլերին: Նա ասաց. «Ես Մուստաֆա Քեմալի ուսանողն եմ», -իր հուշերում գրել է Ֆալիհ Ռըֆքըն:

Թուրք լրագրողը համոզմունք է հայտնում, որ այդ տողերը գրվելու ժամանակ դեռ հայտնի չէր Հիտլերի ճակատագիրը, սակայն, 1930-ականներին քեմալականների` Հիտլերին եւ Մուսոլինիին նվիրվածությունն ու երկրպագելը կապված է այդ առաջնորդների ստեղծած ավտորիտար համակարգի հետ:

http://armenpress.am/arm/news/678871/ataturqy-hitleri-erkrpagun-er-turq-lragrox.html