Պոլսահայ մտավորական Սևան Նշանյանը Թուրքիայում դատապարտվել է 5 ամսվա ազատազրկման` Իզմիրի Շիրինջե գավառում ժայռափոր գերեզման կառուցելու մեղադրանքով: Այդ մասին տեղեկացնում է թուրքական NTV հեռուստաընկերությունը: Աղբյուրի փոխանցմամբ` նա Շիրինջեում զբաղվել է անօրինական շինարարությամբ, որի պատճառով էլ Սելչուկի քրեական դատարանը նրան դատապարտել է 5 ամիս ազատազրկման: Հիշեցնենք, որ լեզվաբան, լրագրող, գրքերի հեղինակ Սևան Նշանյանը Թուրքիայում զբաղվում է նաև հյուրանոցների գործով: Նրան պատկանող հյուրանոցները յուրահատուկ լինելու շնորհիվ մեծ պահանջարկ ունեն այցելուների շրջանում: Սևան Նշանյանը հայտնի է նաև Հայոց ցեղասպանության և ընդհանրապես` Հայկական հարցի վերաբերյալ իր խիզախ հայտարարություններով:
06.02.2012
Akunq.net
Leave a Reply