Շվեյցարիայում Հայոց ցեղասպանության փաստը ժխտած Թուրքիայի նախարար, ԵՄ հարցերով գլխավոր բանագնաց Էգեմեն Բաղըշի դեմ դատական գործընթաց է սկսվել, տեղեկացնում է թուրքական «Միլիյեթ» պարբերականը:
Դավոսում տեղի ունեցած համաշխարհային տնտեսական ֆորումից հետո թուրք նախարարը Ցյուրիխում հայտարարել էր. «Հայոց ցեղասպանություն գոյություն չունի: Եկեք, ձերբակալեք ինձ»:
Ցյուրիխի կանտոնի դատախազությունն այս խոսքերի հիման վրա հետաքննություն է սկսել, որի հետևանքով հնարավոր է Բաղըշին կանչել դատական պատասխանատվության:
Նշենք, որ Շվեյցարիան 2005 թվականին ճանաչել է Հայոց ցեղասպանությունը, իսկ այդ երկրում գործող հակառասիստական օրենքը նախատեսում է քրեական պատիժ ցեղասպանությունների հերքման դեպքում:
06 Փետրվարի 2012
HayNews.am
Leave a Reply