Գերմանիայում կոչ են անում բոյկոտել Կոնստանդնուպոլսի բռնազավման մասին «Ֆեթիհ 1453» թուրքական ֆիլմը

Գերմանիայի Via Doloresa քրիստոնեական կազմակերպությունը կոչ է արել քրիստոնյաներին` բոյկոտել Կոնստանդնուպոլիսը բռնազավթելու մասին Թուրքիայում նկարահանված «Ֆեթիհ 1453» գեղարվեստական ֆիլմը:

Ինչպես հաղորդում է «Արմենպրես»–ը` վկայակոչելով թուրքական TRT հեռուստաալիքը, գերմանական կազմակերպության կողմից տարածված հայտարարության մեջ ասվում է. «Կոնստանդնուպոսլի բռնազավումը Թուրքիայի համար պետք է տոնական օր չհանդիսանա: Նրանք ավելի շատ պետք է ամաչեն մարդու իրավունքներին եւ քրիստոնյաներին հասցրած վնասի համար: Կոչ ենք անում քրիստոնյաներին` բոյկոտել ֆիլմը»:

Նշվում է, որ թուրքական այդ ֆիլմը փետրվարի 16-ին ժամը` 14:53-ին, պետք է միաժամանակ ցուցադրվի Թուրքիայում, Գերմանիայում, Հոլանդիայում, Ավստրիայում, Բելգիայում, Ֆրասիայում, Անգլիայում, Շվեյցարիայում, Ռուսաստանում, Բուլղարիայում, Խորվաթիայում, Ալբանիայում, Եգիպտոսում, Մալազիայում եւ Ինդոնեզիայում:

http://armenpress.am/arm/news/678316/germaniayum-koch-en-anum-boykotel–konstandnupolsi-brnazavman.html