Թուրքիան բարձրացնում է կրոնի դերը հասարակության մեջ

Թուրքիայի վարչապետ Ռեջեփ Թայիփ Էրդողանի «Կրոնասեր սերունդ ենք դաստիարակելու» հայտարարությունն արդեն առարկայանում է:

Թուրքիայի Կրոնական հարցերով նախարարությունը ձեռնարկել է 4-ամյա ծրագիր` երկրում հասարակության բոլոր խավերի մոտ կրոնի դերը բարձրացնելու նպատակով: 2012-2016թթ. իրականցվելիք ծրագրի շրջանակներում նախատեսվում է ստեղծել խմբեր, որոնք հատուկ մասնագետների հետ դուրս կգան մզկիթներից և կշրջեն փողոցներում:

«2010-2016թթ. Ռազմավարական ծրագիր»-ի շրջանակներում երիտասարդների բարոյականությունը պահպանելու նպատակով կգրվեն նաև կրոնական ուղղվածություն ունեցող վեպեր, կցուցադրվեն կրոնական հարցերի հետ կապված հեռուստահաղորդումներ, կիրականացվեն բարեգործական ծրագրեր, օգնություն կտրամադրվի հաշմանդամներին և այլն:

Նախարարության աշխատակիցը նշել է, որ այս նոր ծրագիրը պետք չէ կապել Էրդողանի արված վերջին արտահայտության հետ, որովհետև այս բնագավառը միշտ էլ եղել է նրա ուշադրության կենտրոնում, հայտնում է cnnturk.co-ը:

Նշենք, որ թետրվարի 4-ին Թուրքիայի վարչապետ Ռեջեփ Թայիփ Էրդողանը այցելել է Կրոնական հարցերով նախարարություն, որտեղ մասնակցել է ուրբաթօրյա աղոթքին: 

http://tert.am/am/news/2012/02/03/erdogan-islam/