Կամ բերանդ փակիր, կամ էլ հրաժարական տուր

Ֆրանսիայի նախագահ Սարկոզին Հայոց ցեղասպանությունը քրեականացնող օրինագծի համար շատ ավելի հեռուն կարող է գնալ, քան պատկերացնում ենք:

Ֆրանսիայի նախագահ Սարկոզիի և արտգործնախարար Ալեն Ժյուպեի տեսակատները շատ հաճախ տարբերվել են 1915թ-ի Հայոց ցեղասպանության և Սենատում ու խորհրդարանում ընդունված օրինագծերի վերաբերյալ, ինչը բազմիցս անուղղակի ցուցադրել է արտգործնախարարը: Իսկ վերջերս իր հայտարարություններից մեկում Ալեն Ժյուպեն անհանգստություն էր հայտնել Թուրքիայի հնարավոր հակազդեցության կապակցությամբ:

Սարկոզին արդեն լուծել է այդ հարցը: Ինչպես տեղեկացնում է ֆրանսիական Le Monde թերթի ինտերնետային կայքը, Ֆրանսիայի արտգործնախարար Ժյուպեն նախագահ Սարկոզիի հետ Հայոց ցեղասպանության հարցում այլ տեսակետ ունենալու կապակցությամբ “բերանը փակելու հրաման” է ստացել:

Ժյուպեն Ֆրանսիա-Իսրայել բարեկամության հիմնադրամի կողմից կազմակերպված առավատյան նախաճաշի ժամանակ իր բարեկամներին տեղեկացրել է, որ իրենից պահանջել են «կամ Հայոց ցեղասպանության հարցում բերանդ փակիր, կամ էլ հրաժարական տուր»: Ժյուպեն գերադասել է «բերանը փակել»:

«Կառավարության անդամները պետք է մեկ տեսակետ ունենան: Տեսակետների տարբերության դեպքում նախագահի տեսակետն է առաջնային»,-ասել է Ժյուպեն:

Հավելենք, որ Նիկոլա Սարկոզին հայտարարել էր նաև, որ եթե Սահմանադրական դատարանը Հայոց ցեղասպանության ժխտումը քրեականացնող օրինագիծը հակասահմանադրական համարի, ապա ինքն անմիջապես նոր օրինագիծ կներկայացնի:

Ֆրանսիայի նախագահը Հայոց ցեղասպանության հարցում «բռնել է Թուրքիայի կոկորդը»:

02.02.12

http://www.armweeklynews.am/awn/f12/am_1012.htm