Ֆրանսիացի սենատորները դիմել են Սահմանադրական խորհուրդ

Ֆրանսիայի Սահմանադրական խորհուրդն ընդունել է հայոց ցեղասպանության ժխտումը քրեականացնող օրինագծի դեմ հանդես եկող սենատորների դիմումը: Խորհուրդը պետք է քննի օրինագծի` սահմանադրությանը համապատասխանության հարցը:

Այս մասին հայտարարել է Սենատում RDSE-ի (մեծամասամբ արմատական ձախեր) խմբի ղեկավար Ժակ Մեզարը, ով այս նախաձեռնության հեղինակն է:

Սահմանադրական խորհուրդ դիմելու համար անհրաժեշտ էր 60 ստորագրություն, սակայն արդեն իսկ հավաքվել է 72 սենատորի ստորագրություն:

Նշենք, որ Վալերի Բուայեի կողմից ներկայացված օրինագիծը, որը ցեղասպանության ժխտման համար նախատեսում է 45.000եվրո տուգանք և 1 տարի ազատազրկում, Սենատի կողմից ընդունվեց հունվարի 23-ին` 126 կողմ և 86 դեմ ձայներով: Այս մասին տեղեկանում ենք Nouvelles d`Armenie (Նուվել դԱրմենի) պարբերականից:

http://www.aysor.am/am/news/2012/01/31/france-genocide/