Ստամբուլի քաղաքապետարանի քաղաքային թատրոններն իրենց վարագույրները բացում են հոկտեմբերի 5-ին: Գեղարվեստական ղեկավար Այշենիլ Շամլըօղլուն, թատերաշրջանի բացումից առաջ Մալթա ապարանքի սրահում մամլո ասուլիս տալով, լրագրողներին տեղեկություններ հաղորդեց քաղաքային թատրոնների 2011-2012 թթ. ծրագրերի մասին:
Թատերաշրջանի նորույթների մեջ ուշադրություն է գրավում հատկապես «Ատամնաբույժն արևելյան»-ը: 19-րդ դարի օսմանյան երգիծաբանության ամենանշանավոր ներկայացուցիչներից մեկը համարվող Հակոբ Պարոնյանի երաժշտական կոմեդիան նվիրված է պոլսահայերի սիրային պատմությանը: Թատերաշրջանի մեկ այլ ուշագրավ ներկայացում է նաև սիրիացի Աբդուլ Մոնեմ Ամայրիի «Խառնաշփոթ» վերնագրով ստեղծագործությունը, որը պատմում է 6 կանանց ապրած դրամայի մասին: Ստանիսլավ Ստրատիևի և Ալեն Դեկոյի ներկայացումները ևս այս թատերաշրջանի նորույթների շարքում են:
28.09.2011
«Յենի Շաֆաք» օրաթերթ
Leave a Reply