Չնայած վերջին տարիներին դպրոցներում կատարված կարևոր ներդրումներին` այս տարի ևս ուսանողների թվի աճ չգրանցվեց:
Ինչպես հաղորդում է «Ակօս» շաբաթաթերթը, տարեցտարի նվազող աշակերտների թվով հայկական դպրոցներում այս տարի սպասվող աշակերտների թվի աճ չգրանցվեց: Թեև դպրոցներում վերջին տարիներին տասնյակ ներդրումներ են կատարվում, և կրթամակարդակը որոշող քննությունների հաջող գրաֆիկ է գրանցել, սակայն այս տարի ևս բազմաթիվ խնամակալներ նախընտրեցին իրենց երեխաներին հայկական դպրոցների փոխարեն ուղարկել վարժարան: Իսկ այս շրջանի շրջադարձային կետը եղավ այն, որ 48 հայաստանցի աշակերտ գրանցվեց հայկական դպրոցներում:
Սեպտեմբերի 19-ին, երբ հնչեց նոր ուսումնական տարվա առաջին զանգը, ավարտվեց Թուրքիայի 16 միլիոն աշակերտի և 600 հազար ուսուցչի 3 ամիս տևած ամառային արձակուրդը: Ստամբուլի 1 մանկապարտեզում, 13 նախակրթարանում և 5 վարժարանում, որտեղ սովորում են հայ երեխաներ, գրանցված աշակերտների թիվն այս տարի 1 տոկոս աճով հասել է 3034-ի: Անցյալ տարի 3003 էր:
Հայկական դպրոցներում հատկապես հետաքրքրությունը մեծ եղավ մանկապարտեզներում: Անցյալ տարի մանկապարտեզի աշակերտների թիվը 429 էր, իսկ այս տարի` 499: Մյուս կողմից՝ նկատելի է, որ նախակրթարաններում ու վարժարաններում կրթություն ստացողների թիվը նվազել է: Անցյալ տարի 13 դպրոցում կրթություն էր ստանում 1888 նախակրթարանի աշակերտ, այս տարի նրանց թիվը հասել է 663-ի:
48 հայաստանցի
Այն բանից հետո, երբ թույլատրվեց, որ Թուրքիայում ապօրինաբար գտնվող հայաստանցի աշակերտները հաճախեն հայկական դպրոցներ, 48 հայաստանցի երեխա ազատ ունկնդրի կարգավիճակով կրթություն ստանալու համար դիմում ներկայացրեց: Հայաստանցի աշակերտների հետ միասին այս տարի դպրոցներում կրթություն ստացող աշակերտների թիվը հասնում է 3082-ի: Չնայած մեծ դժվարություններին` Գեդիկփաշայի հայկական բողոքակաան դպրոցը, որտեղ արդեն 7 տարի կրթություն են ստանում հայաստանցի աշակերտները, նոր ուսումնական տարին սկսել է 84 աշակերտով:
Հունական դպրոցներ
Հունական դպրոցներում այս տարի ընդհանուր թվով 216 աշակերտ է սովորելու: Զողրաֆյոն վարժարանը նոր ուսումնական տարին սկսելու է 41 աշակերտով, Զափյոն նախակրթարանը և վարժարանը` 111 աշակերտով, Ֆեների հունական վարժարանը` 51 աշակերտով, իսկ Բույուքադայի հունական նախակրթարանը երեք աշակերտ ունի:
|
Մանկապարտեզի, նախակրթարանի, վարժարանի հայաստանցի աշակերտների թիվը |
||||
| Արամյան | 36 | 104 | – | – |
| Բոմոնտի Մխիթարյան | 15 | 20 | – | 3 |
| Պեզճյան | 18 | 153 | – | 11 |
| Դադյան | 73 | 333 | – | 3 |
| Եսայան | 41 | 116 | 139 | 6 |
| Ֆերիքյոյի Մերամեթչյան | 32 | 149 | – | 8 |
| Կենտրոնական | – | – | 230 | – |
| Գալֆայան | 15 | 80 | – | – |
| Կարագյոզյան | 52 | 141 | – | 3 |
| Լևոն Վարդուհյան | 10 | 85 | – | 2 |
| Բանգալթըի Մխիթարյան | 52 | 152 | 83 | 1 |
| Սահակյան Նունյան | 55 | 250 | 150 | 3 |
| Սամաթիայի Անարատ հղիություն | 10 | 63 | – | 7 |
| Թարգմանչաց | 22 | 122 | – | – |
| Դպրեվանք | – | – | 61 | 1 |
| Յեշիլքյոյ | 68 | 167 | – | – |
«Ակօս», թիվ 806
Leave a Reply