Թուրքիայում մեծ իրարանցում են առաջացրել Ռուսաստանի Պետդումայում Վլադիմիր Ժիրինովսկու և Սեմյոն Բաղդասարովի հակաթուրքական ելույթները: Ռուսաստանի Դուման 450 պատգամավորի առկայությամբ, 105 կողմ ձայնով մերժել է Վլադիմիր Ժիրինովսկու կուսակցության առաջարկած «Ռուս զբոսաշրջիկների անվտանգության պաշտպանության անհրաժեշտություն» օրենքի նախագիծը: Այդ նախագծով նախատեսվում էր արգելել ռուս զբոսաշրջիկների այցը Թուրքիա` վերջին շրջանում այդ երկրում ռուսների անվտանգության երաշխավորության բացակայության պատճառով: Սակայն Թուրքիայում մեծ աղմուկ են բարձրացրել ոչ այնքան այդպիսի օրենքի նախագծի առկայությունը, որքան Վլադիմիր Ժիրինովսկու և «Արդար Ռուսաստան» կուսակցությունը ներկայացնող Սեմյոն Բաղդասարովի ելույթները, տեղեկացնում է թուրքական Ջիհան գործակալությունը: Թուքրական մամուլն ուշադրություն է հրավիրել Ժիրինովսկու և Բաղդասարովի հետևյալ արտահայտությունների վրա:
Վլադիմիր Ժիրինովսկի.
«Թուրքիան ռուս զբոսաշրջիկների շնորհիվ 2 –ից 3 մլրդ դոլար շահույթ է ստանում, մենք` դագաղներ: 78 ռուս զբոսաշրջիկ է զոհվել Թուրքիայում վերջին տարիներին: Ռուսների հետ ստրուկների պես են վարվում ,մերկացնում են, ծեծում, բռնաբարում… եթե մեր զբոսաշրջիկներին անպաշտպան թողնենք, նրանց նկատմամբ այս ստոր վերաբերմունքը կշարունակվի…Թուրքիան Բյուզանդիան գրավելուց հետո այժմ էլ նպատակ ունի գրավել Կովկասը: Ողջ Կովկասի սփյուռքը Թուրքիայում է կենտրոնացել ու այնտեղ է վարժվում ու պատրատվում Ռւոսաստանի դեմ»:
Սեմյոն Բաղդասարով.
«Ռուս զբոսաշրջիկների պաշտպանության համար ոչ մի միջոց չենք ձեռնարկում: Ինչու Անկարայից մեր դեսպանին ետ չկանչեցինք: Ինչու ենք նրանց համար ատոմային էլեկտրակայան կառուցում: Ինչու այդ ահռելի գումարները մեր բարեկամ Հունաստանում ներդրում չենք կատարում»:
Armweeklynews.am 24.09.11
Leave a Reply