Միջագետքի սոցիալական ֆորումի շրջանակներում իրականացված «Դիարբեքիրը և Հայաստանը» նիստում Արևմտյան Հայաստանի խորհրդի անունից ելույթով հանդես եկած Աստղիկ Դաղլըյանը նշել է, որ հայերի կոտորածների ժամանակ Դիարբեքիրում այրվել է 119 գյուղ:
Միջագետքի սոցիալական ֆորումի շրջանակներում իրականացված «Դիարբեքիրը և Հայաստանը» նիստին, որն անցել է «Մարդկության համար ազատություն է ձեռք բերվելու` ընդդեմ կապիտալիզմի և շահագործման» կարգախոսով, Արևմտյան Հայաստանի խորհրդի անունից մասնակցել է Աստղիկ Դաղլըյանը: Դաղլըյանը հայերի պատմության վերաբերյալ հակիրճ ելույթ է ունեցել` ասելով, որ հայերն այս հողերի հնագույն ժողովուրդներից մեկն են, հազարավոր տարիներ ապրել են այս տարածքներում: Հայերի վերաբերյալ համառոտ պատմական ակնարկից հետո Դաղլըյանը, անդրադառնալով Օսմանյան կայսրության վերջին ժամանակաշրջանում հայերի ենթարկված ճնշումներին և աքսորներին ու հայտնելով, թե Աբդուլ Համիդ 2-րդի օրոք հայկական կոտորածները համակարգված ձևով են կատարվել, ասաց. «Համիդիե գնդերի ստեղծումից հետո առաջին անգամ 1894 թ. Սասունում հայերի դեմ համակարգված ճնշումներ ու կոտորածներ են իրականացվել»:
Դաղլըյանը նշելով, որ Դիարբեքիրում հայկական բնակչությունն ավելի շատ է եղել, 1894-96 թթ. այրվել է 119 գյուղ, և հայերի եկեղեցիները սկսել են վերածվել մզկիթների, ասաց. «Կոտորածների ենթարկված շրջաններում հազարավոր տներ և աշխատավայրեր են ավերվել ու թալանվել: Միևնույն ժամանակ առևանգված կանանց թիվը ևս անթիվ-անհամար է: Ջարդերի ընթացքում Համիդիե գնդերը ղեկավարած Փիրինչչիզադե Արիֆը ցանկացել է անձամբ դերակատարություն ունենալ հայերի կոտորածների ժամանակ»:
Այնուհետև Դաղլըյանը ցուցադրել է հայկական ջարդերին նախորդող և հաջորդող նկարներ: Նիստը շարունակվել է հարց ու պատասխանի ձևաչափով:
22.09.2011
«Ֆըրաթ» լրատվական գործակալություն
Leave a Reply