Այդ մասին, ինչպես երեկվա համարում նշել է «Հյուրիեթ»-ը, ասել է հանգուցյալ Դինքի սպանության գործով դատախազ Հիքմեթ Ուսթան: Նա նշել է, որ Դինքի սպանությունը չի կարելի պայմանավորել սոսկ ազգայնամոլ երիտասարդների գործողությամբ, դա ընդհատակյա խիստ գաղտնի գործունեություն ծավալող «Էրգենեքոն» ահաբեկչական կազմակերպության Տրապիզոնի մասնաճյուղի գործն է: Ըստ դատախազի` սպանությունն իրականացնողների հեռախոսազրույցների գաղտնալսումների սղագրությունը 2005-ին անհետացել էր, այդ իսկ պատճառով իրավապահ մարմիններին անհասանելի են մնում բուն կազմակերպիչները:
Դատախազ Ուսթան սպանությունն իրականացնելու, Թուրքիայի Հանրապետությունում սահմանադրական կարգերի տապալմանն ուղղված փորձեր կատարելու մեղադրանքով Էրհան Թունջերի եւ Յասին Հայալի համար պահանջել է կրկնակի խստացված ռեժիմով ցմահ բանտարկություն: Նույն մեղադրանքով ցմահ բանտարկության են դատապարտվելու սպանության գործով մեղադրող եւս 4 ամբաստանյալ, իսկ մնացածները սպանությանը նպաստելու համար կդատապարտվեն մինչեւ 4 տարի ազատազրկման:
«ԱԶԳ» ՕՐԱԹԵՐԹ #167
21-09-2011
Leave a Reply