Հավելյալ ճառում, որում նշվում էր, թե մեղադրյալները գաղտնիություն են պահպանել, նաև ասվում էր. «Թեև կարող է թվալ, թե մեղադրյալները հաճախ անզգույշ մեթոդների են հետևել, սակայն նրանք կարևոր խնդիրները երբեք հեռախոսով չեն քննարկել. այս հարցում խստորեն զգուշացրել են միմյանց, և առավելապես ժամադրվել են` դեմ առ դեմ հանդիպելու նպատակով և իրար հասցե տվել դրա համար»:
«Մեղադրյալները կարևորել են գաղտնիությունը»
Հավելյալ ճառում, որում նշվում էր, թե մեղադրյալները գաղտնիություն են պահպանել, նաև ասվում էր. «Թեև կարող է թվալ, թե մեղադրյալները հաճախ անզգույշ մեթոդների են հետևել, սակայն նրանք կարևոր խնդիրները երբեք հեռախոսով չեն քննարկել. այս հարցում խստորեն զգուշացրել են միմյանց, և առավելապես ժամադրվել են` դեմ առ դեմ հանդիպելու նպատակով և իրար հասցե տվել դրա համար»:
Հեռախոսազանգ Յասինին` վանական Սանտորոյի սպանության կապակցությամբ
Հավելյալ ճառում, որում հերթով ներկայացվում էին մեղադրյալ Յասին Հայալի գործողությունները, տեղ է հատկացվել նաև վանական Սանտորոյի սպանությունից հետո արձանագրված հեռախոսային այն խոսակցությանը, որը կայացել էր Հայալի և մի անձի միջև, որի ինքնությունը հնարավոր չի եղել բացահայտել: Հեռախոսային խոսակցության ժամանակ x անձն ասել է. «Լսի’ր, ո՞վ է սպանել այդ քահանային: Ամո’թ ինձ, թե դու միտքս չեկար», իսկ Հայալը պատասխանել է. «Տղա’ս, բոլորն ինձ են կասկածում: Բոլորն ինձ են զանգահարում ու հարցնում` դո՞ւ ես սպանել: Պարզվում է` սպանողը 16 տարեկան է եղել: 3-5 տարի կնստի ու դուրս կգա բանտից երևի»:
Հավելյալ ճառում անդրադարձ է եղել նաև «Զիրվե» հրատարակչության մեջ կատարված սպանություններին
Դատախազ Հիքմեթ Ուսթան, որը հավելյալ ճառում մի առանձին բաժին էր հատկացրել «Զիրվե» հրատարակչատանը կատարված սպանություններին, նշեց, թե այս դեպքի շրջանակներում գտնված մի ժողովի ձայնագրության մեջ հայտնում են այն միջոցները, որոնք պետք է ձեռնարկել մեր երկրում իրականացվող միսիոներական գործունեությունների դեմ: Հավելյալ ճառում ընդգծվում է, թե նշյալ ձայնագրության մեջ ասվում է. «Ըստ իս` դրանց բոլորին պետք է Հունաստան ուղարկել, ինչպես, օրինակ, վանական Սանտորոյին…»: Հավելյալ ճառում նաև շեշտվում է, որ «Պարզվել է, թե վանական Սանտորոն սպանվել է հենց այն օրը, երբ տեղի է ունեցել այդ ձայնագրված խոսակցությունը»:
Էրգենեքոնի տրապիզոնյան մասնաճյուղի կազմավորումը
Ըստ հավելյալ ճառի` «Դինքի սպանության գաղտնիության կանոնների և կազմակերպական աստիճանակարգի հանդեպ առանձնահատուկ հոգածություն ցուցաբերած Էրհան Թունջելը և Յասին Հայալը ղեկավարվել են Էրգենեքոն ահաբեկչական կազմակերպության` Տրապիզոնում գործող մի մասնաճյուղի կազմավորման կողմից: Մեղադրյալները կատարած գործողություններով նպատակ են ունեցել ցույց տալ, որ Թուրքիան անվտանգ երկիր չէ բոլորի համար, և կարևոր բեկումներ առաջացնել հայկական ծագմամբ մեր քաղաքացիների և օտարերկրացիների գոյության դեմ Թուրքիայում»:
«Թուրքիան դատապարտվել է սպանության պատճառով»
«Հատկապես Դինքի սպանության պատճառով նշանակալիորեն խաթարվել են մեր երկրի հասարակական կարգը և մեր քաղաքացիների հանգստությունը, և բացվել է մի վերք, որի ապաքինման համար ժամանակ կպահանջվի: Անկախ նրանց էթնիկական արմատներից` Թուրքիայում դարեր շարունակ խաղաղության և հանգստության մեջ ապրած հայկական ծագմամբ մեր քաղաքացիները տարիներով իրենց սրտերում են կրել այդ սպանության վիշտը: Այդ դեպքի պատճառով Թուրքիա պետությունը դատվել և փոխհատուցման է դատապարտվել Մարդու իրավունքների եվրոպական դատարանում»:
Դողան լրատվական գործակալություն
19.09.2011
Leave a Reply