Ստամբուլ- Թուրքիայում տեղի կունենա պատմաբան և Լոնդոնում գործող Կոմիտասի ինտիտուտի տնօրեն Արա Սարաֆյանի «Թալեաթ փաշայի` Հայոց ցեղասպանության մասին զեկույցը» վերնագրով աշխատության թուրքերեն հրատարակությունը, որը տպագրվել է Կոմիտաս ինտիտուտի կողմից: Մարդու իրավունքների կազմակերպության ստամբուլյան մասնաճյուղի Ցեղապաշտության և խտրականության դեմ հանձնաժողովում «Անադոլու քյուլթյուր» կազմակերպության աջակցությամբ 2011 թ. սեպտեմբերի 25-ին «Ջեզայիր» ժողովասրահում նախատեսվող քննարկմանը կմասնակցեն նաև Էրեն Քեսքինը, հրատարակիչ Օսման Քյոքերը և պատմաբան Մեհմեդ Փոլաթելը:
«Արա Սարաֆյանը և Թալեաթ փաշայի` Հայոց ցեղասպանության մասին զեկույցը»
Արա Սարաֆյանը Լոնդոնում գտնվող Կոմիտաս ինստիտուտի տնօրենն է և հայոց պատմության մեջ մասնագիտացած պատմաբան: 1970 թ. մինչ օրս հաճախ է այցելել Թուրքիա և 1990-ականներից սկսած` աշխատել այստեղի արխիվներում և գրադարաններում: Թուրքիայում առավելապես ճանաչված է որպես 1915 թ. կատարված դեպքերը (Հայոց ցեղասպանության-Ակունքի խմբ.) պարզ ու քննադատական հայացքով քննարկումը պաշտպանող մի պատմաբան: Նա ելույթներ է ունեցել Ստամբուլում և մասնակցել կոնֆերանսների:
Վերջերս Սարաֆյանը հրատարակել է 1915 թ. Օսմանյան կայսրության ներքին գործերի նախարար Թալեաթ փաշայի փաստաթղթերի հիման վրա պատրաստված մի վիճակագրական աշխատություն: Թալեաթ փաշայի ինքնատիպ տվյալները 2008 թ. հրատարակվել էին «Էվերեստ» հրատարակչության և Մուրադ Բարդաքչըի կողմից, որը պաշտպանում էր այն տեսակետը, թե այդ տվյալները հերքում են Հայոց ցեղասպանության մասին թեզը: Իսկ Թալեաթ փաշայի տվյալները պատմաբանի աչքով վերլուծած և դրանք օսմանյան աղբյուրների լույսի ներքո արժևորած Սարաֆյանը շատ տարբերվող եզրակացության է հանգում: Ըստ Սարաֆյանի` իրականում Թալեաթ փաշայի ներկայացրած թվերը կրում են Թալեաթ փաշայի կողմից Հայոց ցեղասպանության վերաբերյալ հավաքված տվյալների հիման վրա գրված զեկույցի բնույթ: Սարաֆյանի աշխատությունն առաջին անգամ է թուրքերենով հրատարակվել և սեպտեմբերի 25-ին կներկայացվի թուրքիացի ընթերցողներին:
18.09.2011
Ֆըրաթ լրատվական գործակալություն
Leave a Reply