Մեկնարկել են “Հայաստանում պոլսահայ համայնքի օրերը”

Այսօրվանից մեկնարկել են “Հայաստանում պոլսահայ համայնքի օրերը”: Սփյուռքի նախարարության ծրագրի շրջանակում առաջին անգամ հայրենիքում է Պոլսի Մխիթարյան սաների միության երգի ու պարի “Դալար” խումբը:

Այն հիմնադրվել է 1997 թվականին, Ջուլիա Մութլուի կողմից: Մինչեւ սեպտեմբերի 19-ը Երեւանում, Գյումրիում եւ Վանաձորում “Դալարը” կցուցադրի հայկական պատմական տարազներ:

Այսօր հրավիրված ասուլիսի ժամանակ Մխիթարյան սաների միության ներկայացուցիչները հուզվել են։ Նրանք ցնծությամբ եւ ուրախությամբ են խոսել մինչ օրս սպասված այցելության մասին: Իսկ խմբի անդամ Պարթեւ Գարյանն ուրախությունն արտահայտել է երգով:

“120 հոգանոց խումբ ենք, ունենք երգչախումբ, նվագախումբ, մեծերի եւ փոքրիկների պարախումբ: Եկել ենք տոհմիկ՝ 18-19-րդ դարերի հագուստների ցուցադրությունների: Ներկայացնելու ենք, թե ինչ ձեւով են դրանք գործածվել: 85 կտոր տարազ ենք ցուցադրելու այստեղ”,- ասել են նրանք։

http://yerkirmedia.am/?act=news&lan=hy&id=2662

ՀՀ սփյուռքի նախարարություն անցելեց պոլսահայ համայքնի պատվիրակությունը

Սեպտեմբերի 16-ին ՀՀ սփյուռքի նախարար Հրանուշ Հակոբյանն ընդունեց Շիշլիի քաղաքապետի տեղակալ Վազգեն Պարընիի գլխավորած պոլսահայ համայնքի պատվիրակությանը: Պատվիրակության կազմում էին Օնիկ Նալբանդ Ղազարը, «Դալար» պարախմբի կազմակերպիչները, պարախմբի գեղարվեստական ղեկավար Ջուլիա Մութլուն և Դիանա Գամբարոսյանը:

Նախարար Հ. Հակոբյանը, ներկայացնելով նախարարության գործունեությունը, անդրադարձավ «Հայաստանում պոլսահայ համայնքի օրեր» ծրագրի շրջանակներում անցկացվող միջոցառումներին:

Քննարկվեցին սեպտեմբերի 19-20-ը կայանալիք Սփյուռքի կազմակերպությունների ներկայացուցիչների և համայնքների ղեկավարների համահայկական համաժողովին առնչվող հարցեր:

Կայացավ Մխիթարյան Սանուց միության «Դալար» երգի և պարի խմբի ղեկավարների ասուլիսը ՀՀ սփյուռքի նախարարությունում

Սեպտեմբերի 16-ին ՀՀ սփյուռքի նախարարությունում կայացավ «Պոլսահայ համայնքի օրերը Հայաստանում ծրագրի» շրջանակներում Մխիթարյան Սանուց միության «Դալար» երգի և պարի խմբի մամուլի ասուլիսը:

Ասուլիսին մասնակցում էին «Դալար» խմբի հիմնադիր և գեղարվեստական ղեկավար Ջուլիա Մութլուն, Սանուց միության անդամներ Դիանա Գամբարոսյանը, Պարթև Գարյանը, Ժանին Փափազյանը:

Ներկաները ԶԼՄ ներկայացուցիչներին ներկայացրեցին Սանուս միության, «Դալար» և «Մարալ» երգի ու պարի խմբերի ստեղծման պատմությունը, 18-19-րդ դարերում հին հայկական տարազների վերականգնման և ներկայացման գաղափարն ու իրականացումը:

Նշենք, որ «Դալար» պարախումբն առաջին անգամ է Հայաստտանում:

Ցուցադրությունները նախատեսված են իրականացնել սեպտեմբերի 16-ին Գյումրիում, սեպտեմբերի 18-ին Երևանում (Ա. Սպենդիարյանի անվան օպերայի և բալետի ազգային ակադեմիական թատրնում) և սեպտեմբերի 19-ին Վանաձորում:

Վանաձորի ցուցադրությունը կազմակերպում է Հայ առաքելական եկեղեցու Գուգարաց թեմը:
Ասուլիսի մասնակիցները պատասխանեցին լրագրողների հարցերին:

Հիշեցնենք, որ Պոլսահայ համայնքի օրերը Հայաստանում ծրագրի շրջանակներում նախատեսվում են իրականացնել հետևյալ միջոցառումները`

Սեպտեմբերի 16-ին ժամը 14:00 – «Հայերի դերը Կ.Պոլսի մշակութային կյանքում» գիտաժողով և Կարո Քյուրքմանի գրքերի շնորհանդեսը (ՀՀ ԳԱԱ նախագահության նիստերի դահլիճ` Բաղրամյան 24)

Սեպտեմբերի 16-ին ժամը 19:00 – Պոլսահայ «Դալար» երգի ու պարի խմբի ավանդական հայկական տարազների ցուցադրություն` 1590-2011թթ. (Գյումրիի Վ.Աճեմյանի անվ. Պետական դրամատիկական թատրոն` ք.Գյումրի, Սայաթ-Նովա 4)

Սեպտեմբերի 17-ին ժամը 19:00 – «Մարմարա» օրաթերթի 70-ամյա հոբելյանին նվիրված միջոցառում («Առնո Բաբաջանյան» համերգային դահլիճ` ք.Երևան, Աբովյան 2)

Սեպտեմբերի 18-ին ժամը 16:00 – Պոլսահայ «Դալար» երգի ու պարի խմբի ավանդական հայկական տարազների ցուցադրություն` 1590-2011թթ. (Ա.Սպենդիարյանի անվ. Օպերայի և բալետի ազգային ակադեմիական թատրոն` ք. Երևան, Թումանյան 45)

Սեպտեմբերի 19-ին ժամը 19:00 – Պոլսահայ «Դալար» երգի ու պարի խմբի ավանդական հայկական տարազների ցուցադրություն` 1590-2011թթ (Վանաձորի Շառլ Ազնավուրի անվան մշակույթի պալատ):

Պոլսահայ համայնքի օրեր Հայաստանում

Սեպտեմբերի 17-ին, ժ.19:00 ՀՀ սփյուռքի նախարարության նախաձեռնությամբ անցկացվող «Հայաստանում պոլսահայ համայնքի օրեր» ծրագրի շրջանակներում «Առնո Բաբաջանյան» համերգային դահլիճում` տեղի կունենա «Մարմարա» օրաթերթի 70-ամյա հոբելյանին նվիրված միջոցառումը (հասցե` Աբովյան 2):

Միջոցառմանը ողջույնի խոսքով հանդես կգա ՀՀ սփյուռքի նախարար Հրանուշ Հակոբյանը:
Ելույթ կունենան «Սփյուռք» գիտաուսումնական կենտրոնի տնօրեն Սուրեն Դանիելյանը, Հայաստանի ժուռնալիստների միության նախագահ Աստղիկ Գեւորգյանը, Հայաստանի գրողների միության նախագահ Լեւոն Անանյանը, ԳԱԱ թղթակից անդամ Արտեմ Սարգսյանը, ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը, «Մարմարա» թերթի գլխավոր խմբագիր Ռոպեր Հատտեճյանը եւ այլք:

«Մարմարա» օրաթերթի 70-ամյա հոբելյանին նվիրված համերգային երեկոն կվարի Ազատ Գասպարյանը: Համերգային ծրագրով հանդես կգան երգչուհի Լյուսի Քահվեջյանը եւ դաշնակահար Համասփյուռ Մանուկյանը:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅՈՒՆ
ՏԵՂԵԿԱՏՎՈՒԹՅԱՆ ԵՎ ՀԵՌԱՀԱՂՈՐԴԱԿՑՈՒԹՅԱՆ ՎԱՐՉՈՒԹՅՈՒՆ