Դինքի մրցանակն այս տարի շնորհվեց «Թարաֆի» խմբագրապետին

2007 թվականին Ստամբուլում սպանված երկլեզու «Ակօս» շաբաթաթերթի խմբագրապետ Հրանտ Դինքի անվան մրցանակն այս անգամ հանձնվել է թուրքական ամենախիզախ թերթի համբավը վայելով «Թարաֆի» գլխավոր խմբագիր Ահմեթ Ալթանին:

«Հրանտ Դինք» հիմնադրամի կողմից սահմանված մրցանակաբաշխության ժամանակ հատուկ մրցանակի է արժանացել նաև մեքսիկացի լրագրող, մարդու իրավունքների պաշտպանբ Լիդիա Կաչոն:

Դինքի անվան մրցանակաբաշխությունն անց է կացվել Ստամբուլի Ջեմալ Ռեշիթ բեյի անվան համերգասրահում:

Մրցանակաբաշխությունն ավանդաբար անց է կացվում է հայազգի լրագրողի ծննդյան օրը, որը նշվում է սեպտեմբերի 15-ին:
Դինքի անվան մրցանակին են արժանում ազգայնականության, ռասիզմի և անհանդուրժողականության դեմ պայքարող հասարակական գործիչնեչը, լրագրողները:

Նշենք, որ ժյուրիի կազմում այս տարի ընդգրկված էին Դինքի այրին` Ռաքել Դինքը, Բորիս Նավասարդյանը, մի շարք թուրք գործիչներ:

16.09.2011

HayNews.am

Թուրքիայում պարգեւատրվել են “Հրանտ Դինքի” մրցանակակիրները

Հրանտ Դինքն այս տարի կդառնար 57 տարեկան։ Թեպետ նա չկա, բայց կան հարյուրավոր մարդիկ, որ ամեն տարի սեպտեմբերի 15–ին մեկտեղվում են, որպեսզի ասեն. “Տարեդարձդ շնորհավոր, Հրանտ”։ Նրա սպանությունից հետո, ամեն տարի, ընտանիքի եւ ընկերների նախաձեռնությամբ հիմմնադրված “Հրանտ Դինք” հիմնադրամը կազմակերպում է միջազգային մրցանակաբաշխություն` գնահատելու իրենց մասնագիտական գործունեությունում խիզախությամբ ու համարձակությամբ աչքի ընկած լրագրողների։

Այս տարի եւս, արդեն երրորդ անգամ, մրցանակները գտան իրենց տերերին։ Երեկոն իրենց ողջույն–մաղթանքներով բացեցին “Հրանտ Դինք” հիմնադրամի նախագահ Ռաքել Դինքը եւ մրցանակաբաշխության հանձնախմբի նախագահ Ալի Բայրամօղլուն։

“Հրանտ Դինք” մրցանակը տրվում է այն լրագրողին, ով մասնագիտական գործունեության ընթացում խիզախաբար պայքարում է այս կամ այն խնդրի դեմ: Մրցույթի ժյուրին բաղկացած է եղել 11 անդամից, երկուսը՝ Թուրքիայից, յոթն՝ արտերկրից եւ նախորդ տարվա երկու մրցանակակիրները։

Նրանց ընտրությունը միանշանակ չի ընդունվել։ Առաջին մրցանակակրի անունը հապարակվելուն հաջորդեցին դժգոհության առանձին բացականչություններ, անգամ եղան դահլիճը լքողներ։ Իսկ մրցանակակիրը Թուրքիայում մեծ դժվարությամբ գոյատեւող եւ միեւնույն ժամանակ՝ սկանդալային համարվող “Թարաֆ” օրաթերթի հիմնադիր Ահմեդ Ալթանն էր։ Այս թերթի էջերում էին հրապարակվել “Էրգենեքոնին”, “Բալյոզ” գործողությանը, զինվորականների այլ անօրինականություններին վերաբերող գաղտնի տեղեկությունները։

Մրցանակակիր Ահմեդ Ալթանի խոսքը շատ հակիրճ էր, միաժամանակ՝ դիպուկ։ “Երբ մարդիկ մրցանակ են ստանում, այն ընդունում են մեծ ուրախությամբ ու հպարտությամբ, սակայն այս մրցանակը ես ընդունում եմ ամոթի զգացումով, քանի որ արժանի չեմ՝ մի պարզ պատճառով։ Ես այն հազարավորներից մեկն եմ, ով չկարողացավ պաշտպանել Հրանտին։ Հուսամ, մի օր այս մրցանակը կհանձնեմ նրան, ով կբացահայըտի Հրանտին սպանողներին։ “Ես արժանի չեմ , որ իմ անունը գրվի Հրանտի անվան կողքին”,– ասաց Ալթանը։

Ի դեպ, այսօր արդեն երկարատեւ ազատազրկում է սպառնում “Հրանտ Դինքի” սպանության մութ ծալքերն առանձին գրքով բացահայտել փորձած լրագրող Ահմեդ Շեներին։

Հաջորդ մրցանակը բաժին հասավ մեքսիկացի լրագրող, կանանց եւ երեխաների պաշտպան Լիդիա Կաշոյին։

http://yerkirmedia.am/?act=news&lan=hy&id=2656