Հայաստանի ԳԱԱ նախագահության նիստերի դահլիճում, սեպտեմբերի 16-ին, «Հայաստանում պոլսահայ համայնքի օրեր» ծրագրի շրջանակներում տեղի կունենա «Հայերի դերը Կ. Պոլսի մշակութային կյանքում» գիտաժողովը եւ Կարո Քյուրքմանի գրքերի ցուցադրությունը:
Սփյուռքի նախարարությունից NEWS.am-ին հայտնում են, որ բացման խոսքով հանդես կգան ՀՀ սփյուռքի նախարար Հրանուշ Հակոբյանը, ՀՀ ԳԱԱ նախագահ Ռադիկ Մարտիրոսյանը, ՀՀ ԳԱԱ արեւելագիտության ինստիտուտի տնօրեն Ռուբեն Սաֆրաստյանը:
Զեկուցումներ կկարդան Կարո Քյուրքմանը` (Ստամբուլ) «Կարո Քյուրքմանի գրքերի ծանոթություն», Հասմիկ Ստեփանյանը` (Երեւան) «Հայերի դերը Օսմանյան կայսրության մշակութային կյանքում», Սուրեն Դանիելյանը` (Երեւան) «Առարկայական խորհրդանշանապաշտություն շարժումը եւ Զարեհ Խրախունու պոեզիան», Արմեն Տեր-Ստեփանյանը` (Ստամբուլ) «Պոլիսը հայ մատենագրության մեջ» թեմաներով:
Նիստը կվարի Ռուբեն Սաֆրաստյանը:
Լուրեր Հայաստանից – NEWS.am
Սեպտեմբեր 15, 2011
Leave a Reply