Թուրքիայի նախագահ Աբդուլլահ Գյուլը թուրքական «Զաման» և գերմանական Die Zeit պարբերականների հետ զրույցում նշել է, որ «ինքը նաև Թուրքիայում բնակվող հայերի նախագահն է»:
Գյուլը թերթերի հետ զրույցի ժամանակ հերթական անգամ քննադատել է գերմանական իշխանություններին` «թուրք աշխատավորների նկատմամբ բավարար չափով ուշադիր չլինելու» համար, ինչին ի պատասխան գերմանացի լրագրողը նշել է. «Պարոն Գյուլ, հիմա Գերմանիայում բնակվող թուրքերի նախագահը Դու՞ք եք, թե՞ պարոն Բայ Վուլֆը»:
«Իհարկե, պարոն Վուլֆն է Գերմանիայի քաղաքացիություն ունեցող թուրքերի նախագահը,-նշել է Գյուլը և շարունակել. «Ես էլ Թուրքիայում բնակվող գերմանացիների, այլ քրիստոնյաների, հայերի ու հրեաների նախագահն եմ: Նրանց հետ տոնում եմ իրենց տոները, գնում նրանց կրոնական արարողություններին: Իհարկե, որոշ մարդիկ մոռանում են փոքրամասնությունների գոյության մասին, բայց ոչ ես»:
15.09.2011
HayNews.am
Leave a Reply