WikiLeaks-ը գաղտնազերծել է Հայ առաքելական եկեղեցու Պոլսո պատրիարք Մեսրոպ 2-րդի եւ ԱՄՆ փոխպետքարտուղարի տեղակալ Մեթյու Բրայզայի հանդիպումը, որը կայացել է 2007-ին:
Հանդիպման ընթացքում, որը կայացել է Ստամբուլի «Ակօս» թերթի գլխավոր խմբագիր Հրանտ Դինքի սպանությունից հետո, պատրիարքը հայտարարել է, որ ԱՄՆ Կոնգրեսի կողմից Հայոց ցեղասպանության մասին բանաձեւի ընդունումը կարող է թուրքահայերի նկատմամբ բռնության ալիքի հանգեցնել:
Պատրիարքը նաեւ նշել է, որ «1915 թ. ողբերգությունը պետք է քննարկվի տարբեր հարթություններում` քաղաքական գործիչների, պատմաբանների, դիվանագետների ու սոցիոլոգների կողմից»:
Այս մասին նամակը ԱՄՆ պետքարտուղարություն է ուղարկել Ստամբուլում ԱՄՆ հյուպատոս Դեբորա Ջոնսը (նամակը թվագրված է փետրվարի 23, 2007 թ):
Իր մեկնաբանություններում Դեբորա Ջոնսը նշում է, որ Պոլսո Հայոց պատրիարքը պաշտպանում է իր համայնքի շահերը` ընդգծելով, որ Թուրքիայում ազգային փոքրամասնությունները սկզբում «դե յուրե», իսկ հիմա նաեւ «դե ֆակտո» ստիպված են կրել երկրորդական տեսակի քաղաքացիներ կոչվելու պիտակը:
12.09.2011
Leave a Reply