Հայերը հիշատակի արարողություն են կատարել հայ բանաստեղծի ծնված տանը

Հայերը, այցելելով հայ բանաստեղծ Եղիշե Չարենցի` 1897 թ. ծնված տունը, որը գտնվում է Կարս քաղաքի կենտրոնում, հիշատակի արարողություն կատարեցին այնտեղ:

Հայ գրականության ականավոր ներկայացուցիչներից մեկի՝ բանաստեղծ Եղիշե Չարենցի ծնված ու Սուքափը թաղամասի Միլլեթ Բահչե փողոցում գտնվող տունն ապրեց իր կարևոր օրերից մեկը: 34 հոգուց բաղկացած հայկական խումբը շրջեց Չարենցի` փլատակների վերածված տան ներսում: Հայերն ասելով, թե ցանկանում են գնել Կարսի ամրոցի տակ` Դեմիր կամրջի (Երկաթե կամուրջ) դիմաց գտնվող ու մոտ 100 քմ տարածք և երեք սենյակ ու մի փոքրիկ այգի ունեցող տունը, նաև հայտնեցին, որ ավերակ վիճակում գտնվող այս տան տերը տան համար ուզել է 2 միլիոն եվրո: Մարիա Փելփերիյան ասաց. «Բանաստեղծ Չարենցը մեր շատ հայտնի բանաստեղծներից մեկն է: Կարս ենք եկել` նրա ծնված տունն այցելելու համար, սակայն վշտացել ենք մեր աչքերի առջև բացված տեսարանից: Պարզվում է` տունը վերածվել է ավերակների: Մենք տունը գնել ուզեցինք, բայց չկարողացանք, քանի որ տանտերը 2 միլիոն եվրո պահանջեց»:

Հայերը հայտնելով, որ բավականին հաճախ են գալիս Կարս, Չարենցի տանը հիշատակի արարողություն կազմակերպելուց հետո գնացին` Թուրքիայի և Հայաստանի հենց սահմանին գտնվող Անի քաղաքում շրջելու:

13.09.2011

Դողան լրատվական գործակալություն