Աղթամարի Սուրբ Խաչի զանգերը հնչեցին բջջայինով

Այսօր Աղթամարի Սուրբ Խաչ եկեղեցում մատուցվել է հերթական պատարագը:

Ինչպես տեղեկացնում է թուրքական «Հյուրրիյեթ» թերթը, պատարագը մատուցվել է Սահակ Մաշալյանի ձեռամբ: Այն սկսվել է զանգերի ղողանջով, որը հնչել է հոգևորականներից մեկի բջջային հեռախոսից:

Եկեղեցական արարողությանը մասնակցել է մոտ 2000 մարդ: Այս թիվը նախորդ տարվանից անհամեմատ քիչ է:

Պատարագի ողջ ընթացքում իրականացվել են անվտանգության արտակարգ միջոցառումներ: Կղզին հսկել են 450 իրավապահներ: Ներգրավվել է նաև ոստիկանական ուղղաթիռ:

«Հյուրրիյեթը» տեղեկացնում է նաև, որ պատարագի ընթացքում վաճառված մոմերի ողջ հասույթն ուղարկվելու է Սոմալի:

Հիշեցնենք, որ Աղթամարի Սուրբ խաչ եկեղեցին թուրքական իշխանությունների կողմից վերանորոգվել է 2007թ. և վերաբացվել որպես թանգարան: Միայն 3 տարի անց պաշտոնական Անկարան թույլատրեց տարին մեկ անգամ պատարագ մատուցել եկեղեցում: Առաջին պատարագը մատուցվեց արքեպիսկոպոս Աթեշյանի ձեռամբ անցած տարվա սեպտեմբերի 19-ին: Սակայն եկեղեցու գմբեթին խաչը տեղադրվեց պատարագի մատուցումից մոտ 10 օր անց:

11.09.11

Tert.am

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

September 2011
M T W T F S S
 1234
567891011
12131415161718
19202122232425
2627282930  

Արխիւ