Թուրքիայի ներկայիս իշխանությունները շարունակում են հայտարարել , որ իրենց երկիրը տարածաշրջանային գերհզոր պետություն է և այդ հոգեբանական վիճակը նրանց հղում է Իսրայելի դեմ գործողությունների: Թուրքական մամուլը լրջորեն ներկայացրել է ամերիկյան Stratfor ռազմավարական հետազոտությունների կենտրոնի ղեկավար Ջոևջ Ֆրիդմանի «Առաջիկա 100 տարին. Կանխատեսումներ 21-րդ դարի համար» գրքից հատվածներ և Նոր Օսմանյան կայսրության քարտեզը, որը, հեղինակի կարծիքով, կարող է իրողություն դառնալ 2050 թվականին: Հեղինակը դժվար ընկալելի մի գաղափար է առաջ քաշում, որ 2050թ-ին աշխարհի ուժեղագույն պետություններ պետք է լինե ոչ թե ԱՄՆ-ը, Ռուսաստանը և Չինաստանը, այլ` Թուրքիան, Ճապոնիան, Մեքսիկան և Լեհաստանը: Այս հանգամանքը մեծ ոգևորություն է առաջացրել Թուրքական մամուլում:
Սակայն այն պահին, երբ Թուրքիայի հարաբերությունները լարվածության գագաթնակետին են հասել բոլոր հարևանների և նախկին դաշնակիցների հետ, հանկարծ հայտվում է այսպիսի լուրջ կազմակերպության կողմից հրահրիչ մի գաղափար: Այնպիսի տպավորություն է, կարծես ուզում են ասել՝ «Դու’, Թուրքիա, շարունակիր քեզ զգալ գերհզոր պետություն, քանի որ մենք կարծում ենք, որ 2050թ-ին դու կլինես աշխարհի ամենաուժեղ պետություններից մեկը»:
Սակայն մի բան է իրապես լինել գերհզոր պետություն, այլ բան է` երևակայել այդ մասին: Թե ինչու է Stratfor կենտրոնը շահագրգռված, որ Թուրքիայի ներկայիս իշխանությունն ապրի իր իսկ կողմից հնարած «հեքիաթի» մեջ, կիմանան ԿՎՀ-ի հետ սերտ համագործակցող Stratfor կենտրոնի ղեկավարները:
09.09.11
Share on Facebook
Leave a Reply