Թուրքիայի Ստամբուլ քաղաքում ամեն շաբաթվա ուրբաթ օրը քրդերի կողմից «Ուրբաթ քաղաքացիական նամազի» անցկացումն արգելվել է: Եթե մինչ այդ Բաղջըլար շրջանի Յենիմահալլե թաղամասի Մեվլանա այգում քրդերն իրավունք ունեին հավաքական բացօթյա նամազ կատարելու, ապա այժմ նրանց արգելվել է անգամ նամազի իրավունքը: Իրավասու շրջանային մարմիններն արգելանքը պատճառաբանել են, գրավոր տեղեկացնելով կազմակերպիչներին, որ «հասարակական համերաշխությունը խաթարող յուրաքանչյուր գործողություն արգելված է:» Նամազի եկած քուրդ քաղաքացիներն անմիջապես հայտնվել են ոստիկանական ուժերի շրջափակման մեջ, հաղորդում է Եփրատ գործակալությունը:
Ստամբուլի Բաղջըլարի քրդական Խաղաղություն և համերաշխություն կուսակցության (BDP) ղեկավար Էշրեֆ Յաշարը հայտարարել է, որ անիծելով դատապարտում են ուրբաթ օրվա հավաքական նամազի արգելումը, որը իրենց բնական իրավունքն էր: իսկ Ստամբուլի կրոնական և դավանաբանական մասնագետների աջակցության միության ղեկավարությունը (İDAYDER), դատապարտելով իշխանությունների արգելքը, իր հայտարարության մեջ նշել է, որ կրոնը պետության սեփականությունը չէ և այդ պատճառով այն պետք է ազատ լինի և մենք քաղաքացիական նամազ կատարելու իրավունք պետք է ունենք ամեն տեղ:
10.09.11
Share on Facebook
Leave a Reply