Թուրքիայի նախագահ Աբդուլլահ Գյուլը հարցազրույց է ունեցել «Մոսկովսկիյ Կոմսոմոլեց» պարբերականի հետ, որի ժամանակ անդրադարձել է նաև հայ-թուրքական հարաբերությունների կարգավորման գործընթացին և Արցախի հակամարտությանը:
«Ակնհայտ է Հարավային Կովկասի կարևորությունը ինչպես Թուրքիայի, այնպես էլ Ռուսաստանի համար: Մենք, ղեկավարվելով տարածաշրջանում խաղաղության, կայունության և համագործակցության սկզբունքներով, աշխատում են հասնել դրանց: Ինչպես գիտեք, Հարավային Կովկասում խաղաղության գլխավոր «արգելքը» Արցախյան հակամարտությունն է: Կարծում եմ` այս հարցում ՌԴ-ի և Թուրքիայի տեսակետները համընկնում են»,-նշել է Թուրքիայի նախագահը և հավելել. «Ցանկանում եմ ևս մեկ անգամ ընդգծել, որ թուրքական կողմը պատրաստ է համակողմանի աջակցություն ցուցաբերել խնդրի լուծման համար: Այս հարցում առաջընթացը, անշուշտ, խթան կհանդիսանա նաև հայ-թուրքական հարաբերությունների կարգավորման համար: Այսպիսին է Թուրքիայի որդեգրած դիրքորոշումը Հայաստանի հետ հարաբերությունների կարգավորման հարցում: Հայաստանի և Ադրբեջանի միջև հարաբերությունների կարգավորումը չպետք է առանձին դիտել Հայաստանի և Թուրքիայի միջև կարգավորումից»:
08.09.2011
HayNews.am
Leave a Reply