Հայկական պատարագի նախապատրաստությունները Վանում

Վանեցի նկարիչ Հայդար Էքինեքը 2011 թ. սեպտեմբերի 11-ին Աղթամար կղզու հուշարձան-թանգարանում (Հայկական Սուրբ Խաչ եկեղեցում-Ակունքի խմբ.) նախատեսվող պատարագի կապակցությամբ կղզում բացելու է «Իմ ծնված հողերում խաղաղության և եղբայրության հովերը» խորագրով նկարների ցուցահանդեսը:

Հայերը գրեթե հարյուրամյա ընդմիջումից հետո առաջին անգամ Աղթամար եկեղեցում պատարագ մատուցելու թույլտվություն ստացան անցյալ տարի, իսկ երկրորդ պատարագն այստեղ նախատեսվում է կատարել այս տարվա սեպտեմբերին: Թուրքիայի մշակույթի և զբոսաշրջության նախարարության թույլտվությամբ Աղթամարի հուշարձան-թանգարանում նախատեսվող պատարագի նախօրեին կղզի այցելող հայ քաղաքացիներին շատ լավ ընդունելություն ցուցաբերելու համար կատարվող նախապատրաստական աշխատանքները մեծ թափ են ստացել: Ինչ վերաբերում է վանեցի նկարիչ Հայդար Էքինեքին, ապա վերջինս Աղթամար կղզում բացելու է իր երրորդ անհատական ցուցահանդեսը: Նա հայտնեց, որ ցուցահանդեսը, որը կրելու է «Իմ ծնված հողերում խաղաղության և եղբայրության հովերը» խորագիրը, բաց է լինելու սեպտեմբերի 9-13-ը: Էքինեքը, ով 16 ստեղծագործություններ ընդգրկող իր ցուցահանդեսի հրավիրատոմսերը տպել է տվել թուրքերեն, անգլերեն, հայերեն ու քրդերեն լեզուներով, արձանագրեց, թե յուղաներկով արված իր կտավներում, որոնք կրում են սյուրռեալիզմի ազդեցությունը, տեղ է գտել նաև այս կղզու տարածքը, կղզի, որը մեծ նշանակություն ունի հայերի համար:

http://www.haber01.com/van-da-ermeni-ayini-hazirliklari-h36655.html