Հայերն այցելեցին Սարըքայա

Տարիներ առաջ Յոզղաթի Սարըքայա գավառի կազմում գտնվող Բուրունքըշլա գյուղից Ստամբուլ տեղափոխված հայ քաղաքացիներն այս տարի արդեն ամենամյա դարձած այցով եկել են իրենց գյուղ:

Սարըքայա գավառի կազմում գտնվող Թերզիլի գյուղաքաղաքի Մենթեշե, Բեբեք և Բուրունքըշլա գյուղերից գաղթած հայերից կազմված 50 հոգանոց խումբը մեկ օրով այցելել է Սարըքայա գավառ և գավառի գյուղեր: Ստամբուլի Քոջամուստաֆա փաշա Բուրունքըշլայի հայկական միության նախագահ Հովսեփ Արզումանը հայտնեց, որ գյուղ այցելել են, որովհետև այստեղ եկած 50 հոգանոց խմբի մեծ մասի հայրերն ու մայրերն այստեղ են ծնվել: Այնուհետև շարունակելով ասաց. «Իմ հայրը ևս 1922 թ. ծնվել է Բուրունքըշլայում: Այդ իսկ պատճառով հորս ծննդավայրը և գյուղի կյանքը տեսնելու համար ցանկացանք այցելել գյուղ: Որպես միության նախագահ` ցանկանում եմ Աստծո կամոք միության միջոցներով մեր երեխաներին այստեղ բերել, նրանց էլ վարակել այս վիրուսով և մեր այս ավանդույթը տարիներով շարունակել: Անցյալ տարի Բուրունքըշլա գյուղում գտնվող մեր գերեզմանները անխնամ մնացին, նույնիսկ ցանկապատ չկար: Մեր կայմակամի և քաղաքապետի նախաձեռնությամբ մեր գերեզմանոցը ցանկապատվեց: Մենք էլ մեր հնարավորության սահմաններում շրջակայքը գեղեցկացնելու նպատակով մոտ 70 տնկի տնկեցինք: Բնականաբար սա բավարար չէ: Ամեն տարի Ստամբուլից մոտ 100 հոգով գալով՝ գերեզմանոցի շրջակայքը կարգավորելու շրջանակներում տնկիներ տնկելու ծրագիր սկսելով` նպատակ ունենք ավելի շատ ծառատունկ կատարել»:

Միության նախագահ Արզումանը, Սարըքայայում իրենց լավ հյուրընկալություն ցուցաբերած Սարըքայայի կայմակամ Յաշար Դյոնմեզին և քաղաքապետ Ալիս Օսման Էրբիրին շնորհակալություն հայտնելով հյուրասիրության համար, Ստամբուլից բերած նվերները հանձնեց:

Սարըքայայի կայմակամ Յաշար Դյոնմեզը հայտնելով, որ Բուրունքըշլա գյուղի հայկական գերեզմանոցը ցանկապատվել, այս տարի էլ ծառատունկ է կատարվել, որի արդյունքում բարեկարգվել է, ասաց. «Բնականաբար ամենակարևորը, որ պակասում է, աղբյուրն է, որպեսզի այստեղ եկող մեր այցելուները իրենց կրոնական ծիսակարգը կատարեն կանաչ միջավայրում: Կանաչ միջավայր ապահովելու համար անհրաժեշտ է, որ ջուր լինի, այդ իսկ պատճառով, ինչպես ասացինք, աղբյուրը շատ կարևոր է: Այստեղ ձեր ներկայությամբ խոսք եմ տալիս, որ մեր հնարավորությունների սահմաններում կարճ ժամանակահատվածում աղբյուր կկառուցենք»:

Սարըքայայի քաղքապետ Ալի Օսման Էրբիրն ասաց, թե այն, որ հայ քաղաքացիները, չմոռանալով այս գյուղերի իրենց պապերին, այցելել են գավառ, իրենց պատիվ է բերում:

06.09.2011

http://www.anadoluhaber.net/ermeniler-sarikaya-yi-ziyaret-etti-h95319.html