Փոքրամասնություններին պատկանող անշարժ գույքը վերադարձնելու վերաբերյալ փոփոխությունն ուժի մեջ է մտել տոնի նախօրյակին պաշտոնաթերթում հրապարակվելուց հետո: Երբ կարգավորման համար Հունաստանն ու Եվրոմիությունը դրական արձագանքեցին, կառավարությունը հիմա էլ սկսել է աշխատանքներ կատարել Հեյբելիա կղզում գտնվող վանական դպրոցը բացելու ուղղությամբ:
Կառավարությունը, Վաքըֆների մասին օրենքին ժամանակավոր կետ ավելացնելով, ճանապարհ հարթեց փոքրամասնությունների վաքըֆներին պատկանող 1936 թ. գրանցումներում տեղ գտած, սակայն հետագայում տարբեր պատճառներով բռնագրավված գույքը վերադարձնելու համար:
Վերոհիշյալ փոփոխությամբ փոքրամասնություններին պատկանող վաքըֆները Նահանգային հատուկ վարչության անունով գրանցված անշարժ գույքը, հասարակական կազմակերպությունների անունով գրանցված գերեզմանոցներն ու աղբյուրները կարող են հետ ստանալ: Այսինքն` նախկինում փոքրամասնությունների` պետությանն անցած անշարժ գույքը վերադարձվելու է:
Որոշ փոքրամասնությունների համայնքներ խնդիրը հաճախակի տեղափոխել են Մարդու իրավունքների եվրոպական դատարան, իսկ դատարանը որոշում է կայցրել, որ Թուրքիային պետք է փոխհատուցի: Որոշումը Հունաստանի գլխավորությամբ Եվրոմիության երկրներում գոհունակությամբ է ընդունվել: Վարչապետ Էրդողանին առաջինը շնորհավորել է Հունաստանի վարչապետ Յորգո Պապանդրեուն:
Փոքրամասնությունների անշարժ գույքը վերադարձնելու մասին որոշումը գոհացրեց նաև Եվրոմիությանը: Եվրամիության ընդլայնման հարցերով հանձնակատար Ստեֆան Ֆյուլեն կատարված քայլերը դրական գնահատեց:
Որոշումից գոհ էր նաև Պոլսի Ֆեների հունաց պատրիարք Բարդուղիմեոսը:
Կառավարությունը քայլեր է ձեռնարկել ոչ միայն փոքրամասնությունների անշարժ գույքը վերադարձնելու ուղղությամբ, այլ նաև՝ վանական դպրոցի համար: Հեյբելիա կղզու վանական դպրոցը կպատրաստի Ֆեների հունաց պատրիարքարանի գլխավորությամբ Թուրքիայի հունաց պատրիարքարանին կից բոլոր մետրոպոլիտությունների և եկեղեցիների համար հոգևորականներ: Օրեցօր նվազող հույն քաղքացիների համար հոգևորական պատրաստող վանական դպրոցի բացումը երկար տարիներ ի վեր քննարկվում էր:
Կառավարությունն այդ քննարկումներին վերջակետ դնելով՝ սկսեց աշխատանքներ կատարել, որպեսզի վանական դպրոցի լիցեյի հատվածը Ազգային կրթության նախարարությանը կից հատուկ կրոնական լիցեյի կարգավիճակով բացվի, իսկ բարձրագույն դպրոցի բաժինը` Բարձրագույն կրթական հանձնաժողովին կից: Եթե նոր փոփոխությամբ վանական դպրոցը փոխանցվի փոքրամասնությունների վաքըֆին, ապա կկիրառվի վերջին բանաձևը:
Leave a Reply