Բոզջա կղզու հունական եկեղեցին ձեռք բերեց իր գնման կայքագիրը /թափու/

Չանաքքալեի Բոզջաադա գավառում գտնվող հունական եկեղեցու և հունական գերեզմանոցի թափուները ստանալու համար Մարդու իրավունքների եվրոպական դատարան դիմած Քիմսիս Թեոդոկու հունական ուղղափառ եկեղեցու վաքըֆը շահեց դատը:

Փաստաբան Այշե Դիլեք Ռազլըքլըն, ով 2009 թ. ի վեր որպես Բոզջա և Գյոքչե կղզիներում գտնվող Կենտրոնական Փանայիա, Բադեմլի, Զեյթինլի, Թեփեքյոյ և Դերեքյոյ հունական ուղղափառ եկեղեցիների վաքըֆների փաստաբան, ընդհանուր 286 եկեղեցու, գերեզմանոցի, վանքի և հողատարածքի թափուները հետ ստանալու համար իրավական պայքար է մղում, Բոզջա կղզում գտնվող հունական ուղղափառ եկեղեցու թափուն ստացավ Չանաքքալեի վարչական դատարանի որոշմամբ, իսկ Բոզջա կղզու հունական ուղղափառ գերեզմանոցի թափուն` Մարդու իրավունքների եվրոպական դատարանի որոշմամբ:

Չանաքքալեի Բոզջաադա և Գյոքչեադա գավառի հունական ուղղափառ եկեղեցու վաքըֆի փաստաբան Ռազլըքլըն ասաց, որ 2001 թ. և 2002 թ. յուրաքանչյուր անշարժ գույք առանձին թափույի գրանցամատյանում գրանցելու խնդրանքով Բոզջա կղզու կադաստրի գործեր քննող դատարան հայց է ներկայացրել. «Բոզջա կղզու եկեղեցին, վանքն ու գերեզմանոցը 1991 թ. մայիսին կղզում ծավալված կադաստրի աշխատանքների ընթացքում անցել է գանձարանին և քաղաքապետարանին: Դատական գործ բացեցինք, սակայն Կադաստրի հարցեր քննող դատարանը բացասական որոշում կայացրեց: Մենք էլ դիմեցինք Մարդու իրավունքների եվրոպական դատարան: 2010 թ. հունվարին Մարդու իրավունքների եվրոպական դատարանը որոշում կայացրեց, համաձայն որի` Թուրքիան պարտավորվում էր 3 ամսվա ընթացքում հետ վերադարձնել ունեցվածքը: Բոզջա կղզու եկեղեցու և գերեզմանոցի թափուն վերադարձնելու վերաբերյալ գործընթաց սկսվեց: Այն բանից հետո, երբ երկու կղզու անշարժ գույքի թափուն, որը չեն կարողացել վերցնել, ստանալու համար շարունակվող իրավական պայքարի ընթացքում Վաքըֆների մասին թիվ 5737 օրենքի 7-րդ ժամանակավոր հոդվածի համաձայն` մեր ներկայացրած հայցերն անարդյունք մնացին, Չանաքքալեի վարչական դատարանում հայց ներկայցրեցինք: Դատավարության ժամանակ Բոզջա կղզում գտնվող 21, Գյոքչե կղզում գտնվող 15 հունական ուղղափառ համայնքի վաքըֆերի անշարժ գույքի թափուն տալու վերաբերյալ թղթապանակից միայն 9-ի գնման կայքագիրն անցյալ հուլիսին հանձնեցին վաքըֆին»:

Փաստաբան Ռազլըքլըն նշելով, որ Բոզջա կղզու հունական գերեզմանոցի վերաբերյալ Մարդու իրավունքների եվրոպական դատարանում բացված դատական գործի ժամանակ կայացվել է «նույն վերադարձնելու» վերաբերյալ որոշումն, ասաց. «Այս որոշմամբ դարեր շարունակ կղզում ապրած և մահից հետո Բոզջա կղզու հունական ուղափառ գերեզմանոցում ամփոփված հունական ծագում ունեցող Թուրքիայի քաղաքացիների գերեզմանոցի թափուն հանձնվեց Բոզջա կղզու Քիմիսիս Թեոդոկու եկեղեցու վաքըֆին»:

http://haber.gazetevatan.com/bozcaada-kilisesi-tapusuna-kavustu/397369/1/Gundem