Արմեն ճամբարը կվերադարձվի՞

Հայտնի չէ, թե փոքրամասնությունների վաքըֆների ունեցվածքը հետ վերադարձնելու որոշման կիրառման մեջ Թուզլայի Գեդիկփաշա հայկական որբանոցին պատկանող հողակտորի նման մեկից ավելի ձեռք անցած անշարժ գույքի վիճակը ինչ է լինելու:

Փոքրամասնությունների վաքըֆների՝ 75 տարի առաջ բռնագրավված անշարժ գույքի վերադարձը, երրորդ անձանց անցած անշարժ գույքի սահմանված արժեքի փոխհատուցումը կազմակերպող օրենքի ուժ ունեցող որոշումը փոքրամասնությունների ունեցվածքի վերաբերյալ խնդիրներն ամբողջությամբ չի կարգավորում: Մեծ թվով անշարժ գույք նոր կարգավորման սահմաններից դուրս է: Դրանցից մեկն էլ Արմեն ճամբարն է:  

Մի ժամանակ Գեդիկփաշայի հայկական որբանոցի հայ երեխաների ամառային ճամբարը եղած Արմեն ճամբարի հողատարածքը 1950-ական թթ.. անցնում է որբանոցին: Հետևաբար 1936 թ. կանոնագրում գրանցված գնման կայքագրով (թափու) հաշվառված անշարժ գույքի ցանկում չէ: Սակայն մի քանի օր առաջ` օգոստոսի 28–ին, «Resmi Gazete» պաշտոնաթերթում հրապարակված օրենքի ուժ ունեցող որոշումն ապահովում է փոքրամասնությունների վաքըֆների 1936 թ. հետո ձեռք բերած, այնուհետև 1974 թ. հետո գանձարանին փոխանցած անշարժ գույքի վերադարձը:

Ճամբար, որը խորհրդանիշ է դարձել

Այս ճամբարը, որը տարիներ շարունակ ապաստանել է բազմաթիվ հայ որբերի, տարիներ անց այն հիմնավորմամբ, թե փքորամասնության վաքըֆերն իրավունք չունեն ունեցվածք ձեռք բերել, որբանոցի ձեռքից վերցրել  են, տարածքը վաճառվել է, իսկ ճամբարի շենքը, որը չի թույլատրվում վերանորոգել, անգործության է մատնվել:

Քանի որ հետագա տարիներին հողատարածքը բազմաթիվ մարդկանց ձեռքն է անցել, երևում է, թե նոր կարգավորման մեջ չի մտնելու:

Ճամբարի շենքը, որը կառուցել են հայ երեխաները` Թուզլայի ափերից ավազ տեղափոխելով, պատիի շաղախն իրենց ձեռքով պատրաստելով, քարերը իրար վրա դնելով, այսօր չի օգտագործվում:

Արմեն ճամբարը, որը հայտնի է որպես այնպիսի հայերի տուն, ինչպիսին է Հրանտ Դինքը, կրթական կենտրոն էր, որը իր ուժերով անասուններ պահելով, մրգերի ծառեր աճեցնելով, իրար մեջ աշխատանքի բաժանում կատարելով` երեխաներին պատրաստում էր կյանքին:

Այժմ հայտնի չէ, թե օրենքի ուժ ունեցող որոշմամբ հաստատված նոր կարգավորումը Արմեն ճամբարի պես բազմաթիվ փոքրամասնությունների ունեցվածքի վերաբերյալ հարցերը կարգավորում է, թե ոչ:

«Բիա» լրատվական կայք

02.09.2011

http://www.bianet.org/bianet/siyaset/132467-kamp-armen-iade-edilebilir-mi