Նախկինում հայաբնակ Մարդինի տների գինը հասնում է 1,3 մլն դոլարի

Ներկայիս Թուրքիայի տարածքում գտնվող Մարդին քաղաքում վերջին տարիներին նկատվում է հին քարե բնակարանների գների բազմակի աճ:

Ինչպես փոխանցում է թուրքական «Ջիհան» գործակալությունը, դեռ 10 տարի առաջ քաղաքի հայտնի քարե հին տները կարելի էր ձեռք բերել 25 հազար լիրա գումարով (15 հազար դոլար), ապա այժմ նրանց արժեքը կազմում է 1-2 մլն լիրա (620 հազարից մինչև 1,25 մլն դոլար):

Մինչ Հայոց ցեղասպանություն և դրան հաջորդած իրադարձությունները բազմազգ համարվող քաղաքն ուներ մեծ թվով հայ բնակչություն, որոնք զբավում էին արհեստներով, մասնավորապես, պղնձագործությամբ: Հազարամյակների պատմություն ունեցող քաղաքում այժմ մեծ թիվ են կազմում քրդերը: Ցեղասպանությունից հետո այստեղ մնացած հայերի մեծ մասը դարձել է արաբախոս մուսուլման:

Նշենք, որ քաղաքը գտնվում է Վերին (Հայոց) Միջագետքում` Եդեսիա և Մծբին քաղաքների միջև` բարձր և ապառաժոտ լեռան զառիվայր լանջին:

Հիշեցնենք, որ վերջերս Թուրքիայի կառավարությունը որոշում էր կայացրել վերականգնել քաղաքի ամենահայտնի ճարտարապետներից մեկի` հայազգի Սարգիս Լոլե Գիզոյի գերեզմանը:

02.09.2011

http://gevorgpetrosyan.livejournal.com/155267.html#cutid1