Աշակերտները քառորդային գնահատակններն իմացան, արձակուրդը սկսվեց

Մինչ մեր դպրոցներում մոտ 3000 աշակերտ ոգևորված էին քառորդային գնահատականներով, թվով 396 աշակերտ հրաժեշտ տվեցին իրենց երկրորդ օրրանին:

Թոփքափըի Լևոն Վարդուհյան

Թոփքափըի Լևոն Վարդուհյան նախակրթարանի աշակերտները Թոփքափըում գտնվող Սուրբ Թագավոր եկեղեցու Իլքքան սրահում տեղի ունեցած հանդիսությամբ ամփոփեցին 2010-2011 թ. ուսումնական տարին: Հանդիսությունը սկսվեց դպրոցի տնօրեն Անիտա Թումայանի բացման խոսքով և շարունակվեց դպրոցի վաքըֆի փոխնախագահ Մուրադ Չափանի և դպրոցի հիմնադիր անդամ Յեթվարդ Խարբերդցու ելույթով: Ավելի ուշ աշակերտները թուրքերեն, հայերեն և անգլերեն բանաստեղծություններ արտասանեցին և թատերական ներկայացում բեմադրեցին: Դպրոցի երգչախմբի համերգից հետո դասղեկ Լեռնա Բայրաքթարն ու հայերենի ուսուցչուհի Հերա Իսքենդերօղլուն հանդես եկան հրաժեշտի խոսքով:

Քարագյոզյան

Քարագյոզյան մանկապարտեզի «Խեցգետին» և «Թրթուր» դասարանի 27 փոքրիկ սաներ հունիսի 8-ին ստացան իրենց առաջին դիպլոմները: Դիպլոմը ստանալու հանդիսության ժամանակ աշակերտները ստացան Ազգային կրթության նախարարության պատրաստած վկայականները: Տարեվերջյան հանդիսությունը վարում էր նախապատրաստական դասարանի ուսուցչուհի Սոնյա Քալայջըն: Հանդիսությանը մասնակել են նաև Քարագյոզյան վաքըֆի ղեկավար խորհրդի նախագահ Տիգրան Գյուլմեզգիլը, փոխնախագահ Քարուն Քովան, դպրոցի հիմնադիր անդամ Բեդի Զիվերը, աշակերտներ ու հոգաբարձուներ: Աշակերտների բանաստեղծություններից, երգերից և պարային ներկայացումներից հետո մանկապարտեզի տնօրեն Արուսյակ Քոչ-Մոննեթը իր ելույթում ասաց, որ իրենց ողջ ջանքերն ուղղված են ստեղծելու կրթական այնպիսի մի մթնոլորտ, որը կաջակցի երեխաների հետաքրքրությանը, երևակայությանն ու ստեղծագործությանը: Քոչ-Մոննեթն ասած, որ տարեվերջյան ցուցադրությունը հիմնականում բաղկացած է մեկ շաբաթ երեխաների խնմակալների մասնակցությամբ պատրաստված արվեստանոցների արտադրանքներից, այս աշխատանքները ղեկավարել է Ֆրանսիայի Նանթես քաղաքի Գեղարվեստի ֆակուլտետում կրթություն ստացած Մարալ Քերովփյանը:

Աշակերտներին վկայականներ և նվերներ բաժանելուց հետո տարեվերջյան հանդեսն ավարտվեց այգում կազմակերպված կոկտեյլով:

Խալֆայան

Խալֆայանի նախակրթարանի սաներն իրենց ավարտական հանդիսությունը տոնեցին հունիսի 17-ին Սեմերջյան ճեմարան Ներսեսյան Յերմոնյան դպրոցի շրջանավարտների միության ակումբում կազմակերպված կոկտեյլով: Դպրոցի տնօրեն Ադրինե Թահմինջիօղլուն և վաքըֆի նախագահ Դանիել Անթիքաջըյանի ելույթով սկսված հանդիսությունը շարունակվեց Սերջան և Սերժ Մըսըրի համերգով: Դիպլոմների հանձնման և ավարտական տորթ կտրելու արարողությամբ շարունկաված հանդիսությունը տևեց մինչև ուշ գիշեր:

Պեզճյան

Պեզճյան դպրոցի ավարտական հանդեսը տեղի է ունեցել հունիսի 17-ին: Գումգափըի Սուրբ Աստվածածին եկեղեցու Գազազ Արթին Ամիրա սրահում կատարված հանդիսության ժամանակ սաները իրենց երաժշտության ուսուցիչ Ումիթ Սաքմանի ղեկավարությամբ համերգ են տվել: Դիպլոմներ հանձնելու արարողությունից հետո հադեսն ավարտին է մոտեցել:

Սահակյան

Սահակյան Նունյան նախակրթարանի ութերորդ դասարանի սաները հունիսի 22-ին ավարտական հանդեսի ժամանակ ստացել են իրենց դիպլոմները: Ավարտական հանդեսի ժամանակ սաները մի կողմից ապրել են նոր դպրոցը շարունակելու, իսկ մյուս կողմից էլ տարիներ ի վեր միասին կրթություն ստացած դասընկերներից և ուսուցիչներից բաժանվելու թախիծը: Աշակետները վերջին անգամ դպրոցի այգում հանդիպեցին հունիսի 24-ին կազմակերպված ավարտական պարահանդեսի ժամանակ:

Մեր դպրոցներն այս տարի 369 շրջանավարտ տվեցին

Հունիսի 17-ին` ուրբաթ օրը, վկայականներ ստացան հայկական դպրոցներում սովորող մեր մոտ 3000 աշակերտ: 2010/2011 ուսումնական տարում մանկապարտեզն ավարտեցին 238 սան, դպրոցը` 158:

Դպրոց, նախակրթարան, լիցեյ

Արամյան` 12

Բոմոնթի Մխիթարյան`6

Պեզճյան`18

Դադյան`32

Եսայան`12 33

Ֆերիքյոյի Մերամեթչյան`22

Կենտրոնական`59

Խալֆայան`12

Քարագյոզյան`10

Թոփքափըի Լևոն Վարդուհյան` 12

Բանգալթըի Մխիթարյան` 23 14

Սահակյան Նունյան`27 41

Սամաթիայի Անարատ հղիություն`8

Թարգմանչաց`12Դպրեվանք`11

Յեշիլքյոյ`27

 «Ակօս», թիվ 794