Մզկիթը եկեղեցուց մեծ մի’ կառուցեք

ԵՄ անդամ երկրները, որոնք շարունակաբար «փոքրամասնությունների իրավունքների» վերաբերյալ Թուրքիայի առաջ պահանջներ են դնում, իրենց երկրների փոքրամասնություններին նախազգուշացրել են «հարգալից լինել մեծամասնության նկատմամբ»: Ամեն տարի ԵՄ-ը նունիսկ 100 հազարի չհասնող քրիստոնյանների մասին տարեկան առաջընթացի վերաբերյալ զեկույցում նախազգուշացնում է Թուրքիային, մինչդեռ Եվրոպայում, միլիոնավոր մուսուլմաններ լինելով հանդերձ, փոքրամասնությունների իրավունքները հետին պլան են մղվում: Գերմանիայի խորհրդարանի մշակութի հանձնաժողովի նախագահ և Քրիստոնյա ժողովրդավարական կուսակցության պատգամավոր Մոնիկա Գրյութերսը, ի պատասխան իր երկրի մուսուլմանների` նոր ծիսական արարողության վայրի և կրոնական իրավունքների վերաբերյալ պահանջների` հիշեցնելով, որ Գերմանիայում մեծամասնությունը քրիստոնյա է, ասել է. «Հաշվի առեք քիրստոնյաների դյուրազգացությունը: Մի մտեք եկեղեցի – մզկիթ մրցույթի մեջ»:

Մզկիթը չպետք է եկեղեցուց ավելի աչքի զարնի

Հարցի վերաբերյալ գերմանական «Deutsch Türkische Nachrichten» ինտերնետային կայքէջի հետ հարցազրույցի ժամանակ Մոնիկա Գրյութերսն ուշադրություն է հրավիրել այն հանգամանքի վրա, որ գրեթե վերջին տարիներին առաջացած սկանդալների պատճառով մարդիկ հեռացել են եկեղեցուց, և քիրստոնեական աշխարհում տարածում է գտել աշխարհիկացումը:

Գրյութերսը մատնանշել է, որ մուսուլմանների մոտ ամբողջովին հակառակ պատկերն է. նկատելի է իրենց կրոնի հանդեպ աճող նվիրվածություն և նոր մզկիթներ կառուցելու պահանջ: Գրյութերսը նշելով, որ պետք է բավարարվեն մուսուլմանների կրոնական պահանջները, ասել է. «Անհրաժեշտ է, որ նրանք քրիստոնյաներին չհրահրեն: Օրինակ` մզկիթը չպետք է հարևան եկեղեցուց ավելի բարձր, աչքի զարնող և ավելի դոմինանտ լինի, ահա սա է խոհեմությունը»:

Մզկիթներում քարոզները պետք է գերմաներեն լինեն

Գրյութերսը նշելով, որ Գերմանիան տարբեր կրոնների հանդեպ բավականին հանդուրժող է, մատնանշելով, որ իր երկրում մուսուլմանները բազմաթիվ են, ուշադրություն հրավիրեց այն հանգամանքի վրա, որ առաջիկա տարիներին աճելու է նրանց ազդեցությունը: Գրյութերսը պնդելով, որ մուսուլմանների հանդեպ վստահության խնդիր կա, առաջ քաշեց այն կարծիքը, համաձայն որի` անհրաժեշտ է, որ մզկիթներում քարոզները գերմաներեն կատարվեն, դրա համար էլ պետք է մուսուլման հոգևորականները պատրաստվեն Գերմանիայում: Գրյութերսն աջակցել է մոտավորապես 2 տարի առաջ սկսված «pro reli» նախաձեռնությանը, ըստ որի` Գերմանիայում աճող աթեիզմի դեմ պետությունը պետք   է դպրոցներում կրոն դասավանդի:

http://hyetert.blogspot.com/2011/06/kiliseden-buyuk-cami-yapmayn.html