Խաղաղություն և ժողովրդավարություն կուսակցության անդամ Դեմիբաշին շնորհվել է Տիգրան Մեծ շքանշան

Պոլսի հայոց պատրիարքի փոխանորդ Արամ Աթեշյանը Դիարբեքիրի Սուրի քաղքապետ Աբդուլլահ Դեմիրբաշին պարգևատրել է Տիգրան Մեծ շքանշանով:

Սուրբ Կիրակոս հայկական եկեղեցու վերանորոգման աշխատանքներին տեղում հետևելու նպատակով Դիարբեքիր մեկնած Արամ Աթեշյանը Սուրբ Կիրակոս Հայկական եկեղեցու վաքըֆի նախագահ Էրգյուն Այըքի, Սուրբ Կիրակոսի վերանորոգման աջակցության վաքըֆի Ամերիկայի և Ադանայի մասնաճյուղերի անդամներ հետ այցելեց ԽԺԿ անդամ Սուրի քաղաքապետ Դեմիրբաշի նստավայր:

Դեմիրբաշը Աթեշյանին և նրան ուղեկցողներին դիմավորել է հետևյալ արտահայտությամբ. «Ուրախ եմ, որ ձեզ դիմավորում եմ ձեր տանը»:

Այնուհետև շարունակելով՝ ասել է. «Այս հանդիպումը ժողովրդների ինքնաքննադատության և իրենց անցյալի հետ հանդիպելու արդյունք է: Պատմության ընթացքում մեր պապերը բազմաթիվ սխալներ են գործել: Մենք տեսել ենք մեր պապերի սխալները, մարդկային ջանքեր ենք գործադրում: Մի շատ կարևոր խոսք կա, որն ասել է քահանան իր կողքի քրդին` մենք նախաճաշ ենք, իսկ դուք` ճաշ: Այդ օրն այդ քուրդը չհասկացավ դա, և քրդերը ճաշ դարձան: Եթե այդ օրն այդ քուրդը տեր կանգներ իր եղբորը, ապա ճաշ չէր դառնա: Որպես այդ քրդերից մեկի թոռ` ես և ընկերներս այդ սխալից հեռանալով ձգտնում ենք միասին ապրել: Սա ծաղկաստան է, մենք էլ այս պարտեզի գույներն ենք: Որպես այս պարտեզի պահակ` պահպանելու ենք այս բոլոր գույները»:

Դեմիրբաշի ելույթից հետո հանդես եկավ Պոլսո հայոց պատրիարքի փոխանորդ Արամ Աթեշյանը, ով շնորհակալություն հայտնեց քաղաքապետ Դեմիրբաշին: Աթեշյանը ծափահարությունների ներքո Դեմիրբաշին հանձնեց շքանշանը` ասելով. «Այս ծաղիկների հանդեպ ցուցաբերած Ձեր հետաքրքրության, ինչպես նաև մեր եկեղեցու հանդեպ ցուցաբերած հետաքրքրության համար պատիվ ունեմ Ձեզ հանձնել 12 հայկական թագավորության թագավոր Տիգրան Մեծ շքանշանը»:

http://www.zaman.com.tr/haber.do?haberno=1148339&title=bdpli-demirbasa-ermeni-kralligi-nisani-verildi#.Tfy07rRD9nL;facebook