«Բելգե» հրատարակչությունը հրատարակել է Հայոց ցեղասպանության մասին Ռայմոնդ Հ. Գևորգյանի «Ցեղասպանության երկրորդ փուլը» գիրքը: Գիրքը պատմում է, թե ինչպես են աքսորի ենթարկված օսմանյան հայերը Սիրիա-Միջագետքի համակենտրոնացման ճամբարներում բնաջնջվել:
«Բելգե» հրատարակչությունը ընթերցողներին է ներկայացնում Հայոց ցեղասպանության վերաբերյալ մի նոր աշխատություն: Ռայմոնդ Հ. Գևորգյանի «Ցեղասպանության երկրորդ փուլը» գիրքը հրատարակության պատրաստել են Հայոց ցեղասպանության վերաբերյալ կարևոր հաշխատանքներ կատարած Սաիդ Չեթինօղլուն և Ռագըփ Զարաքոլուն:
Սաիդ Չեթինօղլուն գրքի վերաբերյալ ասում է. «Պատմաբան Ռայմոնդ Հ. Գևորգյանի «Ցեղասպանության երկրորդ փուլը» ընդգրկուն աշխատության մեջ պահպանում է հայկական սփյուռքի արմատները: Կարծես ցուցադրում է Սիրիայի և Միջագետքի անապատներում ողջ մնացածերի երեխաների ծխամատյանները… Վերջին շրջանում գրրված աշխատություններում ավելի լավ է երևում Միություն և առաջադիմություն կուսակցության, Հատուկ կազմակերպության և բանակի 1915 թ. ողբերգության ժամանակ ունեցած դերակատարությունը, Միություն և առաջադիմություն կուսակցության Կենտրոնական կոմիտեի կողմից կիրառված ընդհանուր գործողությունների կարգն ու մեխանիզմը: Իսկ այս աշխատությունը ի հայտ է բերում Շյուքրյու Քայայի ղեկավարության տակ գտնվող, Տեղահանության և գաղթականների վարչության կողմից ղեկավարվող Հալեպի համակենտրոնացման ճամբարների ցանցը… Գիրքը շատ ցավալի կերպով մեզ տեղափոխում է Սիրիայի անապատների համակենտրոնացման ճամբարների աշխարհ: Գրքում երևան է բերվում նաև նահանգապետերի, կայմակամների, ճամբարների տնօրեննների, կոտորածին մասնակցած աշիրեթների և աշիրեթների առաջնորդների ինքնությունը»:
Չեթինօղլուն ասում է. «Գևորգյանը, ընթերցողներին ներկայացնելով ցեղասպանության տարբեր փուլերի զոհերի և կոտորած իրականացրած տարբեր մարմինների պաշտոնյաների վկայությունները, այս վկայություններն ավբողջականացնելով տարբեր ուսումնասիրություններով ու վիճակագրություններով, ավելի է մեծացնում վկայությունների արժեքը»:
Գրքի վերջում տեղ է գտել Դեր-Զորի համակենտորնացաման ճամբարների հայերի նկարները, բացյի այդ՝ գրքում կա նաև մինչև Դեր-Զորի անապատներ հասած տեղահանության քարավանների ճանապարհային ընթացուղու քարտեզը:
Leave a Reply