ՀՀ քաղաքաշինության նախարարության Ճարտարապետության ազգային թանգարան-ինստիտուտում այսօր բացվեց «Արևմտականացող Ստամբուլի հայ ճարտարապետները» խորագրով ցուցահանդեսը, որի կազմակերպման նախաձեռնողներն են թանգարանը, «Հրանտ Դինք» միջազգային հիմնադրամը, ստամբուլյան «Հայ-Ճար» միությունը: Ցուցահանդեսի բացմանը ողջույնի խոսքով հանդես եկավ «Հրանտ Դինք» միջազգային հիմնադրամի տնօրեն Ռաքել Դինքը, թանգարան-ինստիտուտի տնօրեն Աշոտ Գրիգորյանը, ցուցահանդեսի ընդահնուր պատասխանատու Հասան Քուրույազըջըն, ինչպես նաև «Հայ-ճար» միության նախագահը:
19-րդ դարի եւ 20-րդ դարի սկզբին Ստամբուլի դիմագծի ձևավորման մեջ կարևոր դեր խաղացած 40 հայ ճարտարապետներին նվիրված այս ցուցահանդեսը մեր հիշողության մեջ վերակենդանացնում է մեր օրերում մոռացության մատնված հայ ճարտարապետներին ու նրանց գործերը:
Ցուցահանդեսը երևանյան այցելուների համար բաց կլինի մինչեւ օգոստոսի 31-ը, այնուհետև ցուցանմուշները սեպտեմբերին կներկայացվեն Գյումրիում, իսկ հոկտեմբերին` Վանաձորում:
Leave a Reply