Երբ հայացք ենք գցում Թուրքիայի բնակչության, բնակչության աճի արագության, ծնելիության աճի և մահացածության թվի պատկերի վրա, առանձնապես հնարավոր չի թվում, որ Թուրքիայի բնակչությունը կհասնի 100 միլիոնի:
Թուրքիայի բնակչության թվի աճը 1990-2008 թվականներն ընգգրկող շրջանում անընդհատ անկում է գրանցել և թիվը 17 հազարերորդականից մինչև 11,7 հազարերորդական չափով նվազել է:
Բնակչության աճի արագությունը 2008 թ. ավելացել է 13,4 հազարերորդականով, սակայն այդ աճը չի շարունակվել, և 2009 թ. սկսած բնակչության աճի տեմպը դարձյալ սկսել է անկում ապրել:
Թուրքիայի վիճակագրական ընկերության (TÜİK) տվյալների համաձայն` 2011 թ. դրությամբ 12,8 հազարերորդական բնակչության աճի արագությունը 2019 թ. առաջին անգամ նվազելու է մինչև 10 հազարերորդականով: 2019 թ. Թուրքիայի բնակչությունը 9,9 հազարերորդական աճի արագությամբ հասնելու է 80 միլիոն 983 հազար հոգու:
2025 թ. բնակչության աճի արագությունը նվազելու է 7,7 հազարերոդականի չափով: Այդ տարի Թուրքիայի բնակչությունը լինելու է 85 միլիոն 407 հազար:
Ըստ Անադոլու լրատվական գործակալության թղթակցի` Թուրքիայի վիճակագրական ընկերության (TÜİK) տվյալների վրա հիմնված ենթադրությունների համաձայն 2033 թ. բնակչության աճի արագությունը կլինի 4,8 հազարերոդական, իսկ 2046 թ.` 0,1 հազարերորդական, և 2046 թ. Թուրքիայի բնակչությունը կկազմի 92 միլիոն 276 հոգի:
Եթե այդ միտումը շարունակվի, 2046 թ. հետո բնակչության աճի արագությունը զրոյից ներքև կիջնի, և բնակչությունը կսկսի նվազել: Բնակչության աճի տեմպը 2055 թ. կնվազի մինուս 3,2 հազարերորդականով, իսկ 2060 թ.` մինուս 5 հազարերորդականով: 2060 թ. Թուրքիայի բնակչությունհը գրեթե կվերադառնա 30 տարի առաջվա իր մակարդակին և կկազմի 88 միլիոն 870 հոգի:
Երեխաների թիվը` ըստ կանանց քանակի
Թուրքիայի վիճակագրական ընկերության (TÜİK) թվերի համաձայն` 1990 թ. ընդհանուր ծնելիության աճը՝ 2,93, հետզհետե նվազում է (ըստ կանանց քանակի` երեխաների թվի): Նշյալ թիվը 1998 թ. եղել է 2,46, 2000 թ.` 2,38, 2010 թ.` 2,11: Երեխաների թիվը` ըստ կանանց քանակի, կանխատեսումների համաձայն, այս տարի առաջին անգամ նվազելու է 2,1 երեխայով և դառնալու 2,09 երեխա: Մասնագետների կարծիքով սա կարևոր սկիզբ է: Երեխաների թվի 2,1-ով անկումը` ըստ կանանց քանակի, ենթադրում է, որ բնակչության աճը որոշ ժամանակ անց (30-40 տարի հետո) կանգնելու է, այնուհետև սկսելու է նվազել: Ըստ Թուրքիայի վիճակագրական ընկերության (TÜİK) կանխատեսումների` այդ թիվը 2022 թ. կնվազի 2-ով, իսկ 2025 թ.` 1,97-ով:
Ծնելիությունն ու մահացությունն աճում են
Ապագայում բնակչության թվաքանակը հաշվելու առումով կարևոր չափանիշներից մեկը՝ ծնելիության աճը, ևս հետզհետե անկում է ապրում: 1990 թ. 24,1 հազարերոդական կազմաշ ծնելիությունը 2001 թ. նվազել է 20 հազարերորդականով, իսկ 2011-ին` 17,3 հազարերորդականով:
Թուրքիայի վիճակագրական ընկերության (TÜİK) հաշվարկներով` վերոհիշյալ թիվը 2018 թ. անկում է ապրելու 15,8 հազարերոդականով, 2023 թ.` 14,8-ով, իսկ 2025 թ.` 14,4 հազարերոդականով: Ծնելիության աճի այդ պատկերը 35 տարվա մեջ գրեթե 10 հազարերորդական միավորով նվազելու է:
Թուրքիայում ամեն տարի աճում է նաև մահացության ցուցանիշը: 1990 թ. 392 հազար մահացության թիվը 2010 թ. հասել է 459 հազարի: Ենթադրվում է, թե 2016 թ. մահացածության թիվը կդառնա 500 հազար, իսկ 2025 թ.` 600 հազարից ավելի:
Անադոլու լրատվական գործակալություն
11.06.2011
Leave a Reply