Թուրքիայում խորհրդարանական ընտրությունների արդյունքում կազմվելու է 4 խորհրդարանական խմբակցությունից բաղկացած մեջլիս

Հունիսի 12-ի ընտրություններից հետո Թուրքիայի Ազգային մեծ ժողովում կազմավորվելու է 4 խորհրդարանական խմբակցություն: Թուրքիայի 24-րդ գումարման Ազգային մեծ ժողովում տեղ են զբաղեցնելու Արդարություն և զարգացում կուսակցությունը, Ժողովրդահանրապետական կուսակցությունը, Ազգայնական շարժում կուսակցությունը ու Խաղաղություն և ժողովրդավարություն կուսակցությունը

Ինչպես հաղորդում է թուրքական «Ռադիկալ» թերթը, 2011 թ. հունիսի 12-ի խորհրդարանական ընտրությունների արդյունքում ԱԶԿ-ն հավաքել է ընտրողների ձայների 49.89 տոկոսը (325 պատգամավոր): ԱԶԿ-ն Թունջելիում (Դերսիմ), Հաքքարիում և Շըրնակում բացարձակ պարտություն կրեց` չստանալով ոչ մի պատգամավորական մանդատ, իսկ արևելյան և հարավարևելյան շրջաններում գրանցեց մի քանի միավորի կորուստ, ինչ վերաբերում է ԺՀԿ-ին, ստանալով 25.93 տոկոս քվե՝ 24-րդ գումարման խորհրդարանում կունենա 135 պատգամավորական մանդատ: Թեև 10 տոկոս շեմը չանցնելու վերաբերյալ քննարկումներին` այս տարի ԱՇԿ-ն ստացել է 13.01 տոկոս քվե (54 պատգամավոր), մինչդեռ 2007 թ. ստացել էր 14.29 տոկոս քվե (71 պատգամավոր): Այս տարվա խորհրդարանական ընտրություններին անկախ թեկնածուներով մասնակցած ԽԺԿ-ն հավաքել է ընտրողների ձայների 6.62 տոկոսը (36 պատգամավոր):

http://www.radikal.com.tr/Radikal.aspx?aType=RadikalDetayV3&ArticleID=1052562&Date=13.06.2011&CategoryID=78

 Ավելի մանրամասն տեղեկությունների համար սեղմեք այստեղ