Պարզվում է, որ «Հայ-թուրքական բարեկամությունը» խորհրդանշող Կարսի հուշարձանի հեղինակը, հուշարձան, որը Թուրքիայի վարչապետին ճիվաղի էր հիշեցրել, իրականում հայկական տեղահանության ճարտարապետ Թալեաթ փաշայի երկրպագուներից մեկն է…
Քանդակագործ Մեհմեդ Աքսոյը, «Այդընլըք» թերթին տված հարցազրույցում հայտնելով, որ հունիսի 12-ին նախատեսվող ընտրություններին սատարելու է Դողու Փերինչեքին և Հանրապետության ուժերի միության թեկնածուներին, նշեց նաև, թե Դողու Փերինչեքի` Շվեյցարիայում կազմակերպած Թալեաթ փաշայի հիշատակին նվիրված երթն ուղղակի անմոռանալի մի բան է եղել:
Թուրքիայի վարչապետ Ռեջեփ Թայիփ Էրդողանի չհավանած և որպես ճիվաղային որակած Կարսի հուշարձանի հեղինակ Մեհմեդ Աքսոյը, հուշարձան, որը տեղադրվել էր հանուն «հայ-թուրքական բարեկամության», սատարում է Դողու Փերինչեքին: Այդ հանգամանքը հեգնանք համարվեց:
Քանդակագործ Մեհմեդ Աքսոյը, «Այդընլըք» թերթին տված հարցազրույցում հայտնելով, որ հունիսի 12-ին նախատեսվող ընտրություններին սատարելու է Դողու Փերինչեքին և Հանրապետության ուժերի միության թեկնածուներին, նշեց նաև, թե Դողու Փերինչեքի` Շվեյցարիայում կազմակերպած Թալեաթ փաշայի հիշատակին նվիրված երթն ուղղակի անմոռանալի մի բան է եղել:
Այն օրերին, երբ վարչապետը Կարսում գտնվող հուշարձանը ճիվաղային էր համարել, քանդակագործ Մեհմեդ Աքսոյը, օրեր շարունակ հեռուստատեսության էկրաններին վարչապետի դեմ արտահայտելով ու պնդելով, թե Էրդողանը փչացնելու է հայ-թուրքական հարաբերությունները, բարբաջում էր հայերի հետ բարեկամության մասին:
Իսկ նախընտրական գործընթացում Մեհմեդ Աքսոյը հայտնելով, թե սատարելու է Դողու Փերինչեքին և «Այդընլըք» թերթի կողմից հրապարակված անկախ թեկնածուներին, նշել է, թե ինքը հիացած է Փերինչեքի` հայերի դեմ ուղղված պայքարից: Այդ հայտարարությունն առնվազն տարօրինակ էր:
«Յենի շաֆաքի» սյունակագիր Սալիհ Թունան այս հարցի կապակցությամբ գրում է. «Եթե «Այդընլըք» թերթը չլիներ, ես տեղյակ չէի դառնա «Բարեկամության» հուշարձանի հեղինակ Մեհմեդ Աքսոյի` Փերինչեքին մեջլիսում տեսնելու փափագի մասին: Ավելին` չէի իմանա, որ նա ասել է, թե «Նրանք հանրապետության հավատարիմ պահապաններն են: Անմոռանալի է Փերինչեքի` Շվեյցարիայում ցուցաբերած խիսախությունը»: Մենք կարծում էինք, թե Մեհմեդ Աքսոյը մի արվեստագետ է, որը քանդակել է Կարսի հուշարձանը` ընդդեմ հայկական տեղահանության, մինչդեռ պարզվում է` «Թալեաթ փաշա կոմիտեի» երկրպագուներից է»:
http://www.dunyabulteni.net/?aType=haber&ArticleID=162733
09.06.2011
Leave a Reply