Թուրքիայի Հոպա քաղաքում մայիսի 31-ին Էրդողանի դեմ բողոքի ակցիա իրականացնող եւ այնուհետ ձերբակալված քաղաքացիները ծեծի են ենթարկվել ոստիկանության կողմից։
Թուրքական Bianet-ը փոխանցում է, որ ձերբակալվածների փաստաբանությունը ստանձնած Սունա Ջոշքունը նշել է, որ ձերբակալված քաղաքացիներին ծեծել են հարեւան նահանգներից բերված ոստիկանները, իսկ Հոպայի ոստիկանատանը նրանց նորմալ են վերաբերել։
Փաստաբանը ընդգծել է, որ ձերբակալվածների նկատմամբ կիրառված բիրտ ուժը որակվում է որպես կտտանք։ Նա հիշեցրել է, 30 անձ դեռ ձերբակալված են:
Նշենք, որ Հոպա քաղաքում Էրդողանի հանրահավաքն անցել է բողոքի գործողություններով։ Հանրահավաքից հետո Էրդողանի ավտոբուսը արագ հեռացել է, որի ընթացքում նրա թիկնապահներից մեկը կորցրել է հավասարակշռությունը եւ ընկել ավտոբուսից։
Ոստիկանության բիրտ գործողությունների ընթացքում մահացել է մեկ ուսուցիչ։ Միջադեպերից հետո հրաժարական են տվել Արդվի նահանգապետն ու ոստիկանության պետը։
03.06.2011
Leave a Reply