Ինչպես հայտնում է «ermenihaber.am» կայքեջը, Անկարայի Ընտանեկան հարցեր քննող 9-րդ դատարանում պաշտոնաթող գեներալ Իլքեր Գյուվենը դատական հայց է ներկայացրել կնոջ` Սունահանըմ Գյուվենի դեմ` պատճառաբանելով, որ նա հայ է: Դատական պրոցեսին մասնակցել են Իլքեր Գյուվենի փաստաբան Շահաբեդդին Օրսալը, Սունահանըմ Գյուվենն ու իր փաստաբան Քյուրշաթ Քարաջաբեյը:
Բողոքելով, որ ամուսնու վերաբերմունքի պատճառով մեկուսացել է հանրային կյանքից` վնասելով հոգեկան աշխարհը, Սունահանըմ Գյուվենն ասել է. «Հայցվոր կողմն անուղղակի պնդում է իմ հայ լինելու մասին: Իմ դեմ ապահարզանի հայց է ներկայացրել` պնդելով իբր ես հայ եմ, ծնողներս ծնվել են Երևանում, իբր որդիս թմրանյութ է օգտագործում: Ըստ նրա` ես այդ ամենը թաքցրել եմ իրենից: Սակայն ես մուսուլման եմ»:
Ամուսնու անարդարացի վերաբերմունքից դժգոհ Սունահանըմ Գյուվենը հայտնել է, որ պատրաստվում է դիմել Մարդու իրավունքների եվրոպական դատարան:
Leave a Reply