Իսրայելի խորհրդարանի (Կնեսետի) նախագահ Ռեուվեն Ռիվլինը Հայոց ցեղասպանությունը հիշատակելու համար Կնեսետի գլխավոր խորհրդում տարեկան նիստ հրավիրելու ցանկության մասին հայտնելիս ասել է. «Այլ ժողովուրդների ողբերգությունների ճանաչումը պարտքս է` որպես հրեայի և Իսրայելի քաղաքացու»: Իսկ «Հաարեց» թերթը տվյալ զարգացումների առնչությամբ կիրառել է «մոտեցման իսկական փոփոխություն» արտահայտությունը:
Ինչպես Թել-Ավիվից հաղորդում է ԱՆԿԱ թուրքական լրատվական գործակալությունը, Թուրքիա-Իսրայել հարաբերությունների միջև լուրջ ճգնաժամի մեկ այլ արտացոլում է Իսրայելի խորհրդարանի (Կնեսետի) նախագահ Ռեուվեն Ռիվլինի այն հայտարարությունը, թե ինքը Հայոց ցեղասպանությունը ոգեկոչելու համար ցանկություն ունի տարեկան նիստ հրավիրել Կնեսետի գլխավոր խորհրդում: Ռիվլինն ասել է «Այլ ժողովուրդների ողբերգությունների ճանաչումը պարտքս է` որպես հրեայի և Իսրայելի քաղաքացու»: Իսկ «Հաարեց» թերթը տվյալ զարգացումների առնչությամբ կիրառել է «մոտեցման իսկական փոփոխություն» արտահայտությունը:
Իսրայելի առաջատար թերթերից «Հաարեցը» «Կնեսետի նախագահը ավելի շատ է աշխատում Հայոց ցեղասպանության ճանաչման ուղղությամբ» վերնագրով հոդվածում մեջբերել է Ռեուվեն Ռիվլինի մեկնաբանությունները` սույն հարցի առնչությամբ: Ռիվլինը Հայոց ցեղասպանությունը հիշատակելու համար Կնեսետի գլխավոր խորհրդում տարեկան նիստ հրավիրելու ցանկության մասին հայտնելիս ասել է. «Այլ ժողովուրդների ողբերգությունների ճանաչումը պարտքս է` որպես հրեայի և Իսրայելի քաղաքացու»: Ռիվլինը նաև նշել է. «Անկախ դիվանագիտական մտահոգությունների կարևորությունից` դրանք չեն կարող մեզ թույլ տալ ժխտել այլ ժողովուրդների ողբերգությունները»:
«Մինչդեռ նախկին տարիներին Իսրայելի կառավարությունը մեծ ճնշումներ էր գործադրում` Հայոց ցեղասպանության խնդրի քննարկմանն արգելք լինելու համար»
«Հաարեցը» նաև գրում է, թե նախկին տարիներին Իսրայելի վարչապետարանն ու արտաքին գործերի նախարարությունը Թուրքիայի հետ հարաբերությունները չվտանգելու մտահոգությամբ «մեծ ճնշումներ էին բանեցնում»` նման նիստերը կանխելու ուղղությամբ: Թերթը նաև ուշադրություն է հրավիրում Թուրքիայի կողմից Ցեղասպանության ժխտման վրա:
«Հաարեցը» մատնանշելով, որ 2008 թ. ի վեր Կնեսետի արտաքին գործերի և պաշտպանության հանձնաժողովները թույլ են տվել միայն դռնփակ նիստեր անցկացնել ցեղասպանության թեմայով, սակայն առաջին անգամ անցյալ շաբաթ Կնեսետի գլխավոր խորհուրդը Կրթության, մշակույթի և սպորտի հանձնաժողովում դռնբաց նիստ անելուն հավանություն է տվել, այս զարգացումը որակել է որպես «մոտեցման իսկական փոփոխություն»:
Հրապարակման մեջ հիշատակվում է նաև, որ 2007 թ. ժամանակի վարչապետ Էրուդ Օլմերթն անձամբ է միջամտել` Կնեսետի գլխավոր խորհրդում Հայոց ցեղասպանության թեմայով նիստը կանխելու նպատակով, իսկ այդ դեպքից մի քանի ամիս առաջ էլ նախագահ Շիմոն Պերեսը Թուրքիայի նախագահի նախաձեռնությունից հետո հորդորել է ԱՄՆ-ում հրեական կազմակերպություն հանդիսացող ADL-ին հրաժարվել ԱՄՆ-ի կոնգրեսում ցեղասպանության օրինագծին ուղղված ջանքերից:
«Հաարեցը» հրապարակման մեջ, որում բերել է Իսրայելի կառավարության կողմից ցուցաբերված միջամտության այլ օրինակներ, նաև արձանագրել է. «Սակայն վերջին երկու տարում Իսրայելի և Թուրքիայի միջև հարաբերությունների վատթարացումից հետո Իսրայելի արտաքին գործերի նախարարությունն սկսել է ավելի քիչ ընդդիմանալ այս հարցին»: Թերթը նաև նշել է, որ Ռիվլինն այս վերջին քայլը կատարել է «սեփական նախաձեռնությամբ»:
ANKA լրատվական գործակալությունը հաղորդում է Թել-Ավիվից
31.05.2011
Leave a Reply