Առանց պատրիարքի` պատրիարքարանի դեմ ժապավեններով բողոքի արտահայտում

Ինչպես հայտնում է «Ակօս» շաբաթաթերթը, «Ցանկանում ենք ընտրել մեր պատրիարքին» նախաձեռնող խումբը, ի նշան բողոքի, պատրիարքարանի հիմնադրման 550-ամյակի տոնակատարությունների շրջանակում մայիսի 29-ին՝ կիրակի օրը, պատարագի մասնակիցներին կոչ է արել մասնակցել պատարագին` կրծքին ամրացրած սև և մանուշակագույն ժապավեններ:

Նախաձեռնության խմբի անդամները հայ համայնքին ուղղված կոչում հայտնելով, որ արքեպիսկոպոս Արամ Աթեշյանը ջանում է դառնալ «առանց ընտրությունների պատրիարք», մասնավորապես ասվում է. «Մեր համայնքից իրականությունները թաքցնող ղեկավարության տեսքով պատրիարքի աթոռի պատիվն ամեն անցնող օր ավելի շատ է վնասվում»: Նախաձեռնող խումբը, օգտագործելով «արդեն ունենք  պատրիարքի փոխանորդ, ով հենվում է ոչ թե համայնքի, այլ՝ հավանություն ստացած դիրքի վրա» արտահայտությունը, քննադատում է նաև պետությանը, որը Աթեշյանին հոգևորականի հանդերձանք հագնելու թույտվություն է տվել: Նախաձեռնող խումբը նաև տեղեկացրել է, որ այնքան են շարունակելու բողոքի ակցիաները, մինչև որ թույլատրեն ընտրություններ անցկացնել. «Մայիսի 29-ից սկսած, երբ սկսվում են Պոլսո հայոց պատրիարքարանի հիմնադրման 550-ամյակի տոնակատարությունները, նախաձեռնող խումբն իր ծավալած գործունեությամբ և միջոցառումներով հիշեցնելու է համայնքի ընտրության սպասումների մասին: Համայնքի անդամները, որոնք գնալու են մեր եկեղեցիներ, իրենց կրծքին կրելու են սև և մանուշակագույն ժապավեններ, այնքան ժամանակ մինչև, որ ունենան ժողովրդի կողմից ընտրված պատրիարք: Եթե համայնքի ընտրության պահանջն անուշադրության մատնվի, ապա բողոքը կշարունակվի ամեն օր՝  նորանոր միջոցառումներով»:

Ավելի շուտ էլ են փորձել հաշվի չառնել քաղաքացիական անձանց

«Ցանկանում ենք ընտրել մեր պատրիարքին» նախաձեռնող խմբի ակտիվիստներից Հարութ Օզերն ասել է, որ պետությունը պատրիարքի ընտրությունների ժամանակ նախկինում էլ է փորձել հաշվի չառնել քաղաքացիական անձանց, սակայն պատրիարքանի  և համայնքի դիմադրության արդյունքում հրաժարվել է այդ մտադրությունից: Օզերն  ասաց. «1990 թ պատրիարքի ընտրություններից առաջ, երբ պատրիարք ընտրվեց Քազանջյանը, պետությունը նահանգապետարանի միջոցով դիմադրել է պատրիարքի ընտրությանը: Այդ ժամանակ տեղապահ արքեպիսկոպոս Շահան Սվաջյանն ու համայնքի հայտնի անդամները ըմբոստացել են` հայտնելով, որ դա դեմ է ավանդույթներին, արդյունքում պատրիարք ընտրվել է ժողովրդի ընտրության միջոցով: Այսօրվա խնդրի հիմքում ընկած է պատրիարքարանի` համայնքը տրորելու դիրքորոշումը»:

Սահակ Գյուրյան

«Ակօս», թիվ 790