Դիարբեքիրում (Տիգրանակերտ) կառուցվելու է Էյֆելյան աշտարակ

Ահմեդ Յուքուշ  

Ֆ-16 ռազմական ինքնաթիռով Դիարբեքիրի երկրնակամարով անցնելիս թյուրքյուների և լեգենդների թեմա դարձած և Տիգրիս գետի ափին գտնվող Քըրքլար լեռը հայտնագործած զորացրված ռազմական օդաչու, փոխգնդապետ Ուֆուք Էսեր Սուբաշըն 100 միլիոն դոլարի արժողությամբ բնակարանային նախագիծ է իրականացնում` Դիարբեքիրը Փարիզի վերածելու համար: 724 ժամանակակից բնակարանների 35 տոկոսը, բնակարաններ, որոնց շնորհանդեսը կայացավ քրդերենով, վաճառվել է երկու շաբաթում: Նախագծի շրջանակներում են ներառվելու նաև մինի Էյֆելի և Պիզայի աշտարակների կառուցումը:

Դիարբեքիրի Սուր գավառի սահմաններում, Տիգրիս գետի ափին և պատմական պարիսպների դիմաց գտնվող Քըրքլար լեռան մեջ կառուցվում են ժամանակակից բնակարաններ: Քանի որ Քըրքլար լեռը դարձել է թյուրքյուների և ավանդազրույցների թեմա, այն վայելում է տեղացի և օտարերկրացի զբոսաշրջիկների մեծ հետաքրքրությունը: Քըրքլար լեռներում մի մասնավոր ընկերության կողմից աշխատանքներ են սկսվել` եվրոպական չափանիշներով 100 միլիոնի արժողությամբ արբանյակային քաղաք կառուցելու ուղղությամբ: Զորացրված ռազմական օդաչու, փոխգնդապետ Ուֆուք Էսեր Սուբաշըի նախագահությամբ ղեկավար խորհրդի և «Անադոլու Ասլանը» խմբի կողմից 370 ակր հողատարածքի վրա մեկնարկված շինարարական աշխատանքներին 724 հատ 1+1 և 1+4 բնակարանները 18 ամիս հետո կներկայացվեն դիարբեքիրցիներին: 70-ից 500 հազար թուրքական լիրայի միջև տատանվող բնակարանների 35 տոկոսը վաճառվել է երկու շաբաթում: Սույն կացարանների հանդեպ, բացի դիարբեքիրցիներից, մեծ հետաքրքրություն ցուցաբերեցին նաև ծագմամբ դիարբեքիրցի հայերն ու ասորիները:

Կառուցվելու է Էյֆելյան աշտարակ

«Անադոլու Քըրքլար դաղը» անունը կրող բնակարանների հրապարակում, որի 90 տոկոսը լինելու է կանաչ գոտի, կառուցվելու են նաև թենիսի կորտեր, լողավազան, ամֆիթատրոն, մանկական այգիներ, առևտրի կենտրոն, մարզասրահներ, մինի Էյֆելի և Պիզզայի աշտարակները: Դիարբեքիրի դեմքը փոխող նախագծին ամենամեծ աջակցություն են ցուցաբերում տեղի քաղաքապետարանները, որոնք հիմնականում բաղկացած են Խաղաղություն և ժողովրդավարություն կուսակցության ներկայացուցիչներից:

Զորացրված ռազմական օդաչու, փոխգնդապետ Ուֆուք Էսեր Սուբաշըն, որն ասում է, թե Քըրքլար լեռը հայտնագործել է Ֆ-16 ռազմական ինքնաթիռով Դիարբեքիրի երկրնակամարով անցնելիս, Դիարբեքիրի սովորական տեսքը փոխելու համար մի ընկերություն հիմնելուց հետո պաշտոնաթող է եղել, նաև հայտնեց. «Մեր նախագիծը Դիարբեքիրի պատմամշակութային կառուցվածքի հետ նույնացվող, լեգենդների թեմա դարձած, տեղացի և օտարերկրացի զբոսաշրջիկների հետաքրքրությունը գրաված այս առանձնահատուկ վայրը, որը շրջապատված է Գազի ապարանքով, Օն Գյոզլյու կամրջով, Հևսել այգիներով ու Տիգրիս գետի անզուգական տեսարանով, մեկտեղելու է հանդարտությունը և երջանկությունը, ինչպես արձակուրդի ժամանակ: 7 աստղանի հյուրանոցով, լողավազաններով, թենիսի կորտերով, ամֆիթատրոնով, մանկական խաղահրապարակներով, առևտրի կենտրոնով, Օն Գյոզլյու կամրջի և Քըրքլար լեռան միջև ճոպանուղու միջոցով կատարվելիք կարճատև զբոսանքներով ավանդական բնակարանների ընկալումը կոտրելով` ստեղծելու ենք մի այնպիսի կացարան, որի մասին կարելի է միայն երազել: Քըրքլար լեռան մեջ կառուցված բնակարանում ապրելը մեծ արտոնություն է լինելու: Դիարբեքիրցիները ողջ կյանքում բնակվելու են 5 աստղանի հանգստի գոտում: Մեր բնակարանները մեծ պահանջարկ են վայելում: Բացի Անկարայում և Ստամբուլում ապրող դիարբեքիրցիներից` մեր բնակարանները գնում են անգամ եվրոպաբնակները»:

Ընկերությունը հիմնելով` զորացրվել է

Սուբաշըն ասելով, թե իր զինվորական անցյալի պատճառով որոշ շրջանակներ տարբեր լեգնենդներ են հյուսում իր անվան շուրջ, նշեց. «Ես ռազմական օդաչու եմ: Հանուն Դիարբեքիրի համար արագ մի բան տալու` զորացրվեցի հունվարի 1-ին՝ մեր ընկերության ստեղծումից հետո: Փետրվարի 28-ին պաշնոաթող եմ եղել: Այդ պատճառով էլ ընկերություն գալիս-գնում եմ իմ զինվորական հանդերձանքով: Ոչ մի գործընկեր չունեմ: Մենք նախագիծն սկսել ենք մեր ձեռնարկատեր ընկերների աջակցությամբ: Մեզ թույլ է տրվել կառուցել 28 հարկ: Մենք առայժմ 18 հարկանի շենքեր ենք կառուցելու: Մեր նպատակներից մեկն էլ Թուրքիայի ամենաբարձր շենքի կառուցումն է»:

13.05.2011

http://ekonomi.haberturk.com/emlak-mortgage/haber/630328-diyarbakira-eyfel-geliyor-galeri