Նախարար Նիմեթ Չուբուքչուի անակնկալ այցը հայկական հիվանդանոց

Վերջիհան Զիֆլիօղլու

Ազգային կրթության նախարար Նիմեթ Չուբուքչուն շաբաթ օրը` կեսօրվա ժամերին, անակնկալ այցելություն է կատարել Քազլըչեշեում գտնվող Սուրբ Փրկիչ հայկական հիվանդանոցի վաքըֆ: Նախարարը հանդիպել է վաքըֆի նախագահ Պետրոս Շիրինօղլուի հետ, ով, ենթադրվում էր, որ պետք է լիներ Արդարություն և զարգացում կուսակցությունից ներկայացված պատգամավորի թեկնածու, սակայն չառաջադրվեց: Շիրինօղլուն ասաց. «Նախարարի այցն անակնկալ եղավ, չէինք նախատեսում»: Անսպասելի այցի վերաբերյալ նախարար Չուբուքչուն որևէ պարզաբանում չի կատարել: Նախարար Չուբուքչուն շուրջ կես ժամ տևած առանձնազրույց է ունեցել Անկարայի պրոտոկոլով երկրորդ կարևոր Քազըլչեշմեի Սուրբ Փրկիչ հայկական հիվանդանոցի վաքըֆի նախագահ և գործարար Պետրոս Շիրինօղլուի հետ: Շիրինօղլուի հետ հանդիպած նախարար Չուբուքչուն այնուհետև հանդիպել է հիվանդանոցի վաքըֆի կազմում գտնվող ծերանոցի բնակիչների  հետ, առանձին-առանձին ծաղիկներ բաժանելով` որոշ ժամանակ նրանց հետ  է անցկացրել:

Հանդիպումից անմիջապես հետո «Hurriyet Daily News and Economic Review’-ին» տված պարզաբանման ժամանակ Շիրինօղլուն ասաց. «Հիվանդանոց կատարվող բոլոր այցերը նախապես գրանցվում են օրեր առաջ, հանդիպումներ են նշանակվում, սակայն  նախարարն անակընկալ այցելեց մեր հիվանդանոց, ճիշտն ասած՝ անսպասելի էր: Մեծավ մասամբ խոսեցինք ընտրական գործընթացի վերաբերյալ»: Սպասվում էր, որ Շիրինօղլուն ԱԶԿ-ից կառաջադրվի որպես պատգամյավորի թեկնածու, սակայն այս սպասումները չարդարացան, և նա չառաջադրվեց պատգամավորի թեկնածու: Անցյալ ամիսներին Hurriyet Daily News and Economic Review’-ին տված հարցազրույցների ժամանակ Շիրինօղլուն ասել է, որ հանդիպել է վարչապետ Էրդողանի հետ, դրական է վերաբերվում իր թեկնածությանը, սակայն մինչև որ ԱԶԿ-ի կողմից պաշտոնական հրավեր չլինի, պատգամավորի իր թեկնածությունը չի առաջադրելու:

Հանդիմանություն Շիրինօղլուից

Վերջին տարվա ընթացքում Պոլսո հայոց պատրիարքարանից առավել քաղաքական կուսակցությունների առաջնորդները հաճախակի այցելում են հիվանդանոց-վաքըֆի նախագահ Շիրինօղլուին: Անցյալ տարի հիվանդանոց է այցելել վարչապետ Էրդողանը: Ինչպես հայտնում է Շիրինօղլուն, Էրդողանի` վարչապետի մակարդակով կատարած այցելությունն առաջինն էր: Շիրինօղլուն ասելով, որ այս այցելությունները չափազանց բնական, ի սրտե և անկեղծ են, շարունակեց. «Թուրքիան ապրում է փոփոխության մի գործընթաց, թուրք ժողովուրդը ցանկանում է ճանաչել իր հետ ապրող ժողովուրդներին: Բնականաբար, քաղաքական կուսակցություններն էլ հետաքրքրված են, սա չափազանց դրական է»: Իր այցելությունների պատճառով ժամանակ առ ժամանակ համայնքի քննադատությանն արժանացած Շիրինօղլուն շարունակեց. «Ճիշտն ասած՝ դժվարանում եմ հասկանալ, թե ինչու են հակազդում, եթե իմ փոխարեն մեկ այլ նախագահ լիներ, նորից հանդիպումներ էր ունենալու: Ցավոք, ամեն անգամ ստիպված եմ նույն պարզաբանումը կատարել համայնքի համար, պաշտոնապես Անկարայում պրոտոկոլով երկրորդն ենք պատրիարքարանից հետո: Հետևաբար ոչ թե իմ անձի, այլ՝ վաքըֆի նախագահի հետ են   հանդիիիպում»:

«ԱԶԿ-ի հանդեպ համակրանք կա»

ԱԶԿ-ի իշխանության օրոք Վաքըֆների մասին օրենքի շնորհիվ հայ համայնքը, վերջին 1-2 տարվա ընթացքում դիմելով դատարան, կարողացավ հետ վերադարձնել իր վաքըֆները: Շիրինօղլուն ասաց, որ այս ձեռքբերումները ԱԶԿԻ-ի հանդեպ համակրանք ստեղծեցին: Հետ վերադարձված վաքըֆների մասին Շիրինօղլուն ասաց. «Վաքըֆների մասին օրենքի փոփոխությունների ու մեր հետ ստացած ունեցվածքի շնորհիվ հեշտացվելու է մեր համայնքի կայունության ապահովումը: Ողջ համայնքային հաստատությունները գործում են նվիրատվությունների շնորհիվ»: Անցած ամիս daily news-ին տված հարցազրույցի ժամանակ Շիրինօղլուն ասել էր, որ Քազըլչեշմեում գտնվող հիվանդանոցի ուղիղ դիմաց գտնվող բռնագրավված տարածքը հետ վերադարձնելու ուղղությամբ Անակարայի հետ հանդիպումները դրական արդյունք են ունեցել, ինչի համար չափազանց ուրախ է: Պատրաստվում են ստեղծել Թուրքիայի Հանրապետության ստեղծումից ի վեր երրորդ հայկական հիվանդանոցը:

HURRİYET DAILY NEWS

http://www.hurriyetdailynews.com/n.php?n=turkish-armenians-sympathize-with-the-ruling-akp-says-foundation-president-2011-05-22