«Ստամբուլը 2010 թ. Եվրոպայի մշակութային մայրաքաղաք» ծրագրի շրջանակում վերանորոգվող Որդվոց որոտման եկեղեցին վերանվանվելու է Պոլսո հայոց 84-րդ պատրիարք Մեսրոպ 2-րդ Մութաֆյանի անունով: Գումգափըի Սուրբ Աստվածածաին եկեղեցական համալիրի կազմում տեղ զբաղեցնող եկեղեցին բացվելու է և’որպես կրոնական արարողությունների վայր, և’ որպես մշակութային կենտրոն:
«Ստամբուլը 2010 թ. Եվրոպայի մշակութային մայրաքաղաք» գործակալությունը և Գումգափուի Սուրբ Աստվածածաին եկեղեցու ղեկավար խորհրդի իրավասուները մայիսի 14-ին` շաբաթ օրը, Բեզջյան դպրոցի սրահում կազմակերպված քննարկման ժամանակ հյուրընկալեցին լրագորղներից, պատմաբաններից և հնագետներից կազմված մի խմբի: Քննարկաման ժամանակ, որին մասնակցում էին այնպիսի լրագրողների, ինչպիսիք են Մեհմեթ Ալթան, Էմրե Ուսլուն և Ալպեր Գյորմուշը, «Ստամբուլը 2010 թ. Եվրոպայի մշակութային մայրաքաղաք» գործակալության գլխավոր քարտուղար Յըլմազ Քուրթը ելույթի ժամանակ ասել է, որ համագործակցելով հայ համայնքի հետ` ավերման վտանգի տակ գտնվող Որդվոց Որոտման եկեղեցու վերանորոգման համար մինչ հիմա ծախսել են մեկ միլիոն 540 հազար թուրքական լիրա:
Յըլմազ Քուրթից հետո ելույթով հանդես եկած Գումգափըի եկեղեցու վաքըֆի նախագահ Հրանտ Մոսկոֆյանը հիշեցնելով, որ Որդվոց Որոտման եկեղեցու վերանորոգման հարցն ավելի շուտ առաջ է քաշել Մեսրոպ 2-րդ պատրիարքը, ասաց, որ վերանորոգումը հասնում է իր երջանիկ ավարտին: Մոսկոֆյանը հաղորդեց նաև, որ համալիրը անվանվելու է Պոլսո հայոց 84-րդ պատրիարք Մեսրոպ 2-րդ Մութաֆյանի անունով. «Նախագծի հիմքերը դրած Մեսրոպ 2-րդ պատրիարքը հիվանդության պատճառով այսօր մեզ հետ այստեղ չէ, տրտմություն ենք ապրում: Այդ իսկ պատճառով «Ստամբուլը 2010 թ. Եվրոպայի մայրաքաղաք» գործակալության ղեկավար խորհրդի հետ ունեցած մեր հանդիպումներից ու արքեպիսկոպոս Աթեշյանի հավանությունը ստանալուց հետո ուրախ ենք հայտնել, որ Որդվոց Որոտման եկեղեցին անվանվելու է Մեսրոպ Մութաֆյան մշակութային կենտրոն:
«Ակօս»-ին տված պարզաբանման մեջ Մոսկոֆյանն ասաց, որ Որդվոց Որոտմանի թափուն և աշխատեցնելու իրավունքը վաքըֆին է պատկանելու, եկեղեցում կազմակերպվելու են մշակութային միջոցառումներ, այնուհետև հաղորդեց, որ կառույցը շարունակելու են օգտագործել նաև որպես ծիսական արարողությունների վայր. «Եկեղեցին վերանորոգելիս ջանացել են չկորցնել եկեղեցու պատմական տեսքը: Մշակութային միջոցառումների ժամանակ խորանը փակվելու է, և այստեղ բոլորի մուտքն արգելվելու է: Համերգների և մյուս բեմական միջոցառումների ժամանակ խորանի առաջ բեմ է կառուցվելու: Չենք ցանկանում, որ մեր համայնքը անհանգստանա` ասելով, թե «Որդվոց Որոտմանը մեր ձեռքից տարան»»:
«Ակօս», թիվ 789
Leave a Reply