Մեծ միասնություն կուսակցության` Քոջաելիի նահանգային կազմակերպությունը պահանջել է մահապատժի ենթարկել ՊԿԿ ահաբեկչական կազմակերպության պարագլուխ Օջալանին` որպես իր պահանջի հիմնավորում մատնանշելով այն փաստարկը, ըստ որի` Օաջալանը ղեկավարում է վերոհիշյալ կազմակերպությունը Իմրալը կալանավայրից և փորձանք է Թուրքիայի գլխին:
Մեծ միասնություն կուսակցության անդամները ցուցադրաբար մահապատժի ենթարկեցին Օջալանի խամաճիկին: Մեծ միասնություն կուսակցության` Քոջաելիի նահանգային կազմակերպությունը Օզգյուրլյուք այգում բողոքի ակցիա կազմակերպեց` ընդդեմ Օջալանի մահապատժի դեմ հանդես եկող կուսակցությունների: Այնուհետև Օջալանի խամաճիկին մահապատժի ենթարկելու համար հրապարակում կախաղան պատրաստած Մեծ միասնություն կուսակցության անդամները շեշտելով, թե ահաբեկչական կազմակերպության պարագլուխը վնաս է հասցնելու թուրք-քրդական եղբայրությանը, հայտնեցին նրան անպատճառ մահապատժի ենթարկելու անհրաժեշտության մասին: Մեծ միասնություն կուսակցության` Իզմիթ գավառի մասնաճյուղի ղեկավար Սեյիդ Օսման Աքյուզն ասաց, թե իրենք հրապարակում հավաքվել են Օջալանին ուղերձ հղելու նպատակով: Աքյուզը նշելով, թե Աբդուլլահ Օջալանի իրական անունը Արթին Հակոբյան է, ընդգծեց, թե ահաբեկչական կազմակերպության` հայկական արմատներ ունեցող պարագլուխն ունի քուրդ-թուրքական եղբայրությանը վնաս հասցնելու մտայնություն: Աքյուզը նաև նշեց, թե հայկական ծագում ունեցող պարագլուխն իր անունը հետագայում է փոխել Օջալանի, որպեսզի վրեժ լուծի Թուրքիայից (öç almak թուրքերեն նշանակում է վրեժ առնել-«Ակունքի» խմբագրություն): Աքյուզն արձանագրեց, թե ահաբեկչական կազմակերպության առաջնորդ Օջալանը քուրդ ժողովրդի, այսպես կոչված, «անկախության» համար պայքար մղելու անվան տակ հիմնել է այդ ահաբեկչական կազմակերպությունն ու ժողովրդի և երկրի դեմ ուղղված գործողությունները շարունակում է ուղղորդել Իմրալըից: Աքյուզը հիշեցնելով, որ տեղի ունեցող այս դեպքերին վերջ տալու նպատակով Ընտրությունների մասին հռչակագրերում գրվել է, թե «բարոյական» ահաբեկիչներին, անջատողական ահաբեկիչ հանցագործներին և տնտեսական ահաբեկչություն կատարող ոճրագործներին պետք է մահապատժի ենթարկել, ասաց. «Մենք ուզում ենք այստեղ ներկայացնել մեր հռչակագրի օրինակներից մեկը»: Մեծ միասնություն կուսակցության նահանգային մասնաճյուղի ղեկավար Ռըզա Գյուվեն Ուսթան հիշեցնելով, որ մոտ մեկ ամիս առաջ իրենք ստորագրահավաք են սկսել` «երեխաների մարդասպանների համար նախատեսվող մահապատիժը չվերացնելու և այն հանրաքվեի միջոցով իրականացնելու» նպատակով, դիմակով երկու կուսակցություն ունեցող Օջալանին ներկայացնող խամաճիկին տանելով դեպի կախաղան՝ պարանը գցեց խամաճիկի վիզը: Ապա միակուսակցություն ներկայացնող քվեատուփին աքացի տալով` հանդիսավոր կերպով մահապատժի ենթարկեց Օջալանի խամաճիկին: Ներկայացումից հետո Օջալանի` մահապատժի ենթարկված խամաճիկը թողնվեց դեպքի վայրում և ասվեց. «Ով ուզում է, թող վերցնի»:
07.05.2011
Ջիհան լրատվական գործակալություն
Leave a Reply