ՊՈԼԻՍ, «Մարմարա».- Թրքական «Միլլիյէթ» թերթը կը գրէ, թէ Տիգրանակերտի (Տիարպեքիր) քաղաքապետ Օսման Պայտեմիրի հետ քանի մը օր առաջ տեսակցութիւն ունեցած լրագրողներէն մէկն էր «Արմէնիա Նաու» համացանցային թերթի թղթակիցը, որ գրած է, թէ Պայտեմիր դէմ չէ, որ Տիգրանակերտի մէջ Հայոց Ցեղասպանութեան յուշարձան մը կանգնեցուի։
Պայտեմիր ըսած է նաեւ, որ նոր սերունդը տեղեակ չէ «1915ի դէպքերէն»։ Ըստ «Արմէնիա Նաու»ի, Պայտեմիր նաեւ ըսած է, որ դէմ չէ Թուրքիոյ՝ Եւրոմիութեան անդամակցելու ջանքերուն, սակայն աւելցուցած է, թէ ինք վստահ է, որ նոյնիսկ Եւրոմիութեան անդամակցութիւնը պիտի չկրնայ լուծել հայերու եւ թուրքերու միջեւ առկայ 1915ի կնճռոտ հարցը։
Leave a Reply