Հինգ լեզվով նախաճաշի ճաշացանկ Դիարբեքիրում (Տիգրանակերտ)

Դիարբեքիրում (Տիգրանակերտ) Հասանփաշա պատմական իջևանատանը նախաճաշի սրահի տեր Մուստաֆա Ավջըլարը պատրաստել է հինգ լեզվով նախաճաշի ճաշացանկ` թուրքերեն, քրդերեն, անգլերեն, ասորերեն և հայերեն:

Դիարբեքիրի կենտրոնական գավառ Սուրում գտնվող Հասանփաշա պատմական իջևանատանը գտնվող և 81 տարի շարունակ հորից որդուն փոխանցվող “Kahvaltıcı Mustafa” անվամբ նախաճաշի սրահը պատրաստել է թուրքերեն, քրդերեն, անգլերեն, ասորերեն և հայերեն ճաշացանկ: Մինչ այդ «Բազմալեզու քաղաքապետարան»-ի որոշում կայացրած Խաղաղություն և ժողովրդավարություն կուսակցության անդամ Սուրի քաղաքապետ Աբդուլլահ Դեմիրբաշը հայտնեց, որ իրենց նպատակն է դյուրացնել հասարակական կյանքը: Դեմիրբաշը նաև նշեց. «Մենք հասարակական ծառայության սեկտորում պաշտոնական լեզու թուրքերենի հետ մեկտեղ հիմք էինք ընդունել նաև մյուս լեզուները: Այս գործի հիմնական նպատական էր ավելի որակյալ սպասարկում Ապահովել մեր ժողովրդին, միաժամանակ` պատմական արժեք ունեցող մեր քաղաքին վերադարձնել սեփական ինքնությունները: Մեր այս նախագծին աջակցել են նաև մեր առևտրականներն ու արհեստավորները: “Kahvaltıcı Mustafa” անվամբ նախաճաշի սրահի տերը Թուրքիայում առաջին անգամ սեփական սրահի մասին գրքույկը և ճաշացանկը տպագրել է 5 լեզվով` այդպիսով իր ներդրումն ունենալով նաև Դիարբեքիրը ներկայացնելու գործում: Թուրքիայում ոչ մի վայրում ոչ ոք հինգ լեզվով նման գրքույկ չի հրատարակել»:

Սրահի տեր Մուստաֆա Ավջըլարն ասաց. «Ես որքանով որ խոհարար եմ, նույնքանով էլ` դիարբեքիրցի: Ես հպարտանում եմ, որ դիարբեքիրցի եմ: Նպատակս է ներկայացնել մեր մշակույթը: Այստեղ են գալիս տեղացի և արտասահմանցի զբոսաշրջիկների խմբեր: Քանի որ արտասահմանցի զբոսաշրջիկներն անգլերենից բացի այլ լեզվի չեն տիրապետում, մենք չենք կարողանում ավելի լավ ներկայացնել մեզ ու մեր քաղաքը, բայց այս կատալոգի շնորհիվ արժանացել ենք բազմաթիվ զբոսաշրջիկների գնահատանքին»:
«Դողան» լրատվական գործակալություն

03.05.2011